WhatsApp યુઝર્સ માટે નવું એન્ડ્રોઈડ બીટા અપડેટ લઈને આવ્યું છે. આ અપડેટ આવ્યા બાદ યુઝર હવે મેસેજને ઓટોમેટિકલી ડિલીટ પણ કરી શકશે અને ડિલીટ કરવાનો સમય પણ સેટ કરી શકશે. થોડાં દિવસો પહેલાં આ ફીચર અંગે સમાચાર આવ્યા હતા, પરંતુ તેમાં આ ફીચરને Dissapearing Message ફીચર જણાવાયું હતું.
વોટ્સએપમાં આવ્યું યુઝર્સ માટે નવું એન્ડ્રોઈડ બીટા અપડેટ
વોટ્સએપમાં યુઝર હવે મેસેજને ઓટોમેટિકલી ડિલીટ પણ કરી શકશે
ટેસ્ટિંગમાં હોવાથી આ ફીચર અત્યારે યુઝર ઉપયોગ નહીં કરી શકે
ટેસ્ટ થઈ રહ્યું છે ફીચર
વોટ્સએપના નવા એન્ડ્રોઈડ બીટા અપટેડમાં આ ફીચરનું નામ બદલીને Delete Messages રાખવામાં આવ્યું છે. આ ફીચર અત્યારે યુઝર ઉપયોગ નહીં કરી શકે, કારણ કે હજી તે ટેસ્ટિંગ ફેઝમાં છે. વોટ્સએપ અપડેટને ટ્રેક કરતી વેબસાઈટ WABetaInfoએ આ ફીચરના સ્ક્રીનશોટ્સ પણ શેર કર્યા છે. લેટેસ્ટ બીટા અપડેટમાં આ ફીચર ડાર્ક મોડમાં પણ જોઈ શકાશે.
એડમિન કરી શકશે ઈનેબલ
નવા બીટા અપડેટ વોટ્સએપ વર્ઝન નંબર 2.19.348થી રોલઆઉટ કરવામાં આવી રહ્યું છે. આ અપડેટ ગૂગલ પ્લે સ્ટોરમાંથી ડાઉનલોડ કરી શકાય છે. આ ફીચર કોન્ટેક્ટ ઈન્ફો કે ગ્રુપ સેટિંગમાં અપાયું છે અને તેને માત્ર એડમિન ઈનેબલ કરી શકે છે. જોકે, ફીચક હજી ડેવલપિંગ ફેઝમાં હોવાથી લેટેસ્ટ બીટા અપડેટને ડાઉનલોડ કર્યા બાદ પણ યુઝર્સ તેને જોઈ શકશે નહીં.
મેસેજ ડિલીટ કરવાનો સમય પણ સેટ કરી શકાશે
ડિલીટ મેસેજ ફીચરથી યુઝર્સ કોઈપણ મેસેજ ઓટોમેટિકલી ડિલીટ થવાનો સમય પણ સેટ કરી શકે છે. મેસેજને જાતે ડિલીટ થાય તે માટે યુઝર્સને 1 કલાક, 1 દિવસ, 1 સપ્તાહ, 1 મહિના અને 1 વર્ષના સમયનો ઓપ્શન મળે છે, જેને તે પોતાની રીતે સેટ કરી શકે છે. આ અપડેટનું સ્ટેબલ વર્ઝન આવ્યા બાદ આ ફીચરમાં થોડા વધુ ફેરફાર જોવા મળી શકે છે. આ ફીચર ડાર્ક મોડની સાથે પણ કામ કરશે. જોકે, આનું પણ ટેસ્ટિંગ ચાલી રહ્યું છે.