પ્રાઈવસી / 15 મે સુધીમાં કરી લેજો આ કામ નહીંતર બંધ થઈ જશે તમારું Whatsapp, યુઝર્સને મોકલાયા નોટિફિકેશન્સ

• whatsappની નવી પોલિસીની તારીખ લંબાવાઇ 
• યુઝર્સને નોટિફિકેશન મોકલાઈ રહ્યા છે 
• ૧૫ મે પછી પોલિસી એક્સેપ્ટ ન કરનારા લોકોના એકાઉન્ટ બંધ થી જવાની શક્યતા

ગત વર્ષે whatsapp પોલિસી પર વિવાદ થવાથી તેને સ્વીકારવાની તારીખ ૮ માર્ચથી વધારીને ૧૫ મે કરી નાખવામાં આવી હતી, અને નોટિફિકેશનમાં કંપનીએ કહ્યું હતું કે whatsapp નો ઉપયોગ ચાલુ રાખવા માટે નવી ટર્મ અને પોલિસીને ૧૫ મે સુધીમાં સ્વીકારી લેવું જોઈએ. 

હવે નવી તારીખ ૧૫ મેની કરી નાખવામાં આવી છે 

નવી પ્રાઈવસી પોલિસીને લઈને લોકોમાં એક મેસેજ ગયો છે કે whatsapp તેની પ્રાઇવેટ ચેટ ફેસબુકની સાથે શેર કરશે, અને જેના પછી whatsapp યુઝર્સનો ગુસ્સો આ એપના મેનેજમેન્ટ ઉપર વધી ગયો હતો અને તેઓ whatsapp છોડીને બીજા પ્લેટફોર્મ પર શિફ્ટ થવા માંડ્યા હતા, કંપનીએ જો કે આ પોલિસીને લઈને ઘણી વાર સ્પષ્ટતા કરવી પડી છે, જો કે હવે ફરીથી કંપની પોતાની નવી પોલિસીને એક્સેપ્ટ કરવા માટે યુઝર્સને નોટિફિકેશન મોકલી રહી છે. 
 
આ નવી પોલિસી માત્ર whatsapp બિઝનેસ પર જ લાગૂ પડે છે : કંપની 

whatsapp એ સ્પષ્ટતા કરી હતી કે નવી પોલિસી whatsapp બિઝનેસ પર લાગૂ પડે છે અને બિઝનેસ એકાઉન્ટ વાળા યુઝર્સના ડેટાને યુઝ કરવામાં આવશે, કે જેથી કરીને તે વધુ સારી રીતે મોનેટાઈઝ અને સર્વિસ આપી શકાય. whatsapp ના એન્ડ ટુ એન્ડ એન્ક્રિપ્શનના લીધે પર્સનલ ચેટ નહીં જોઈ શકાય, યુઝર્સ જોઈ શકશે કે તે પર્સનલ એકાઉન્ટથી ચેટ કરી રહ્યા છે કે બિઝનેસ એકાઉન્ટથી, તેને ચેટ લેબલ કરવામાં આવશે. ભારતમાં પણ સુપ્રીમ કોર્ટે આ મામલે કંપની પાસેથી જવાબ માંગ્યો છે. 

કંપનીની નવી પોલિસી એક્સેપ્ટ ન કરો તો લોકો કોઈને પણ મેસેજ નહીં મોકલી શકે અને અમુક દિવસો પછી તો એકાઉન્ટ પણ બંધ કરી નાખવામાં આવશે, જેમાંથી જૂની ચેટ ડિલીટ કરી નાખવામાં આવશે, લગભગ ત્રણ મહિના સુધી એકાઉન્ટ ડિસેબલ રહેવાથી કંપની એકાઉન્ટને બંધ કરી નાખે છે. 

અન્ય પ્લેટ્ફોર્મને થયો ઘણો ફાયદો 

જો કે આ નવી પોલિસીને લઈને અન્ય પ્લેટફોર્મ જેવા કે સિગ્નલ અને ટેલિગ્રામ જેવાને ઘણો ફાયદો જોવા મળ્યો હતો, જાન્યુઆરીમાં એપ સેશનમાં ડાઉનલોડ થવામાં આ એપ સૌથી વધુ લોકપ્રિય એપ બની ગયું હતુઈ જે પહેલા ૧૦ માં ક્રમાંક પર હતું.