આ એક સ્કેમ છે અને તેનાથી બચવાની ચેતવણી જાણીતી ઇન્ટરનેટ સિકયોરિટી કંપની ESET દ્વારા આપવામાં આવી છે. થોડા સમય પહેલા વોટ્સએપના સ્પેશિયલ ફિચર્સના નામે બોગસ મેસેજ ફરતા થયા હતા અને લોકોએ શેર કર્યા હતાં.
વોટ્સએપ (WhatsApp) અને સોશિયલ મિડીયા સાયબર ક્રાઇમ કરતી ગેંગ અને હેકર્સ માટે યુઝર્સને ફસાવવાનું એક આસાન પ્લેટફોર્મ છે. જેન્યુઇન મેસેજના નામે ચીટર્સ અને હેકર્સ યુઝર્સને જાળમાં સપડાવે છે. જાન્યુઆરી 2009માં લોન્ચ થયેલા વોટ્સએપને 2019માં દસ વર્ષ વર્ષ પુરા થયાં. વોટ્સએપના એક અબજથી વધુ યુઝર્સને જોતાં હવે વોટ્સએપની એનીવર્સરીના બહાને યુઝર્સને છેતરવા માટે હવે 1000 જીબી ફ્રી ડેટા (free data) ની ઓફર વાળા મેસેજ કેટલાક યુઝર્સને મળતા થયા છે.
આ મેસેજ વોટ્સએપ દ્વારા મોકલાયા નથી. આ એક સ્કેમ છે અને તેનાથી બચવાની ચેતવણી જાણીતી ઇન્ટરનેટ સિકયોરિટી કંપની ESET દ્વારા આપવામાં આવી છે. થોડા સમય પહેલા વોટ્સએપના સ્પેશિયલ ફિચર્સના નામે બોગસ મેસેજ ફરતા થયા હતા અને લોકોએ શેર કર્યા હતાં. વોટ્સએપના દસ વર્ષ પુરા થવા નિમિત્તે તેના લોયલ યુઝર્સને આવી ગીફટ આપવામાં આવી રહી છે તેવી વાતમાં સામાન્ય રીતે કરોડો યુઝર્સ આવી શકે છે.
આ મેસેજમાં એક લીંક આપવામાં આવી છે.જે ઓપન કરતા એક ગીવઅવે જેવું પેજ ખુલે છે. જેમાં કહેવાયું છે કે વાઇફાઇ વિના 1000 જીબી ડેટા સિલેકટેડ યુઝર્સને અપાશે. યુઝરને આ માટે કેટલાક પ્રશ્નના જવાબ આપવાનું અને મેસેજને ઓછામાં ઓછા 30 યુઝરને ફોરવર્ડ કરવાનું કહેવામાં આવે છે. ઉલ્લેખનીય છે કે ઘણી વેબસાઇટ અને કંપનીઓ ગીવઅવે દ્વારા વિનરને મોબાઇલ સહિતના ડિવાઇસ આપે છે.
આ ગીવઅવે ઘણીવાર થર્ડ પાર્ટી દ્વારા ચલાવાય છે અને તે જેન્યુઇન પણ હોય છે.જેનો ઉપયોગ કરીને ચીટર્સ પણ આવા ગીવઅવે ના બહાને યુઝર્સનો ડેટા ચોરે છે. વોટ્સએપની વર્ષગાંઠે મફત ડેટાની વાત સાવ બોગસ છે. કંપનીના કહેવા મુજબ જો કે આ સ્કેમ મેસેજની લીંકથી જોકે માલવેર ડાઉનલોડ થતો હોય કે પછી ડેટા ચોરી થતી હોવાનું જાણવા મળ્યું નથી. જો કે સ્કેમસ્ટર્સ ગમે ત્યારે આ લીંકથી તેવું કરી શકે છે.અત્યારે તો તેઓ આ મેસેજ ફરતો કરીને યુઝર્સ દ્વારા એડ પર કરાતી કલીકથી કમાણી કરી રહ્યાં છે.