પ્રતિક્રિયા / આ એક કારણથી Whatsappની નવી પ્રાઈવસી કેન્દ્ર સરકાર માટે બન્યો માથાનો દુઃખાવો, તાબડતોબ કર્યુ આ કામ

નવી નીતિથી ક્રોધિત યુઝર્સ વોટ્સએપ છોડીને બીજી મેસેજિંગ એપ્લિકેશન તરફ વળી રહ્યા છે. હવે વોટ્સએપની પેરેન્ટ કંપની અને સોશ્યલ નેટવર્કિંગ સાઈટ ફેસબુકે ભારતના અખબારોમાં સંપૂર્ણ પૃષ્ઠની જાહેરાત આપીને પ્રાઇવસી પોલિસી અંગે સ્પષ્ટતા કરી છે. તે જ સમયે સૂત્રોના જણાવ્યા મુજબ ભારત સરકાર વોટ્સએપની નવી પ્રાઇવસી પોલિસીની સમીક્ષા કરી રહી છે.

વોટ્સએપની નવી પોલિસી અંગે ઇન્ફોર્મેશન ટેક્નોલોજી મંત્રાલયમાં ચાલી રહી છે ચર્ચા 

ટાઇમ્સ ઓફ ઈન્ડિયાના અહેવાલ મુજબ સૂત્રોએ જણાવ્યું છે કે વોટ્સએપની નવી પોલિસી અંગે ઇન્ફોર્મેશન ટેક્નોલોજી મંત્રાલયમાં ચર્ચા ચાલી રહી છે. આઇટી મંત્રાલયમાં ઉચ્ચ મુદ્દે આ મુદ્દે ચર્ચા થઈ રહી છે. 

યુરોપ કરતા ભારતમાં પ્રાઇવસી પોલિસી જુદી હોવાનો દાવો 

ભારતમાં ડેટા સુરક્ષાને લઈને સરકાર ચિંતિત છે કારણ કે હાલમાં ડેટા સુરક્ષાનો કોઈ વ્યવસ્થિત કાયદો નથી. પર્સનલ ડેટા પ્રોટેક્શન કાયદા અંગેનું બિલ સંસદમાં છે પરંતુ કાયદો બનવામાં થોડો સમય લાગી શકે છે. સત્તાવાર સૂત્રોએ જણાવ્યું હતું કે, "વોટ્સએપ વપરાશકર્તાઓની પોલિસી યુરોપમાં વધુ મજબૂત છે  જ્યારે ભારતમાં આ ટર્મ્સ એન્ડ કંડિશન્સમાં એવા શબ્દો હોઈ શકે છે જે વપરાશકર્તાઓની પ્રાઇવસીને નુકસાન પહોંચાડી શકે છે."

ફેસબુક અને વોટ્સએપના વિરોધમાં ઉતર્યા વેપારીઓ

છૂટક વેપારીઓના સંગઠન કન્ફેડરેશન ઓફ ઓલ ઇન્ડિયા ટ્રેડર્સ (સીએઆઈટી) એ સરકારને વોટ્સએપ અને તેની પેરેંટ કંપની ફેસબુક પર પ્રતિબંધ લગાવવાની માંગ કરી છે. સીએઆઈટીએ વોટ્સએપની નવી પ્રાઇવસી પોલિસી પર ચિંતા વ્યક્ત કરતાં કહ્યું હતું કે આ પોલિસીને લાગુ કરતા રોકવી જોઈએ અથવા તેના પર સંપૂર્ણ પ્રતિબંધ મૂકવો જોઈએ.

શું છે વોટ્સએપની નવી પોલિસી?

તાજેતરમાં વોટ્સએપે તેની પ્રાઇવસી પોલિસીને અપડેટ કરી છે. આ પ્રાઇવસી પોલિસી 8 ફેબ્રુઆરીથી અમલમાં આવશે. વોટ્સએપે આમાં સમજાવ્યું કે તે કેવી રીતે વપરાશકર્તાઓના ડેટા પર પ્રક્રિયા કરે છે અને ડેટાને ફેસબુક સાથે શેર કરે છે. અપડેટમાં એમ પણ કહેવામાં આવ્યું છે કે વપરાશકર્તાઓએ વોટ્સએપની સેવાનો ઉપયોગ ચાલુ રાખવા માટે 8 ફેબ્રુઆરી, 2021 સુધીમાં નવી શરતો અને નીતિથી સંમત થવું પડશે.