સુવિધા / Whatsapp યુઝર્સ માટે સારાં સમાચાર, આ 4 બેંકો સાથે મળીને કંપનીએ ભારતમાં શરૂ કરી પેમેન્ટ સર્વિસ

• વોટ્સએપ યુઝર્સ માટે સારાં સમાચાર છે
• વોટ્સએપે હવે ભારતમાં ડિજિટલ પેમેન્ટ સર્વિસ શરૂ કરી દીધી છે
• ICICI Bank, Axis bank, SBI અને HDFC સાથે પાર્ટનરશિપ કરી

ઈન્શ્યોરન્સ માટે એસબીઆઈ સાથે કામ કરી શકે છે વોટ્સએપ

વોટ્સએપે જણાવ્યું કે,  સૈશે સાઈઝ્ડ ઈન્શ્યોરન્સ પોલીસી ખરીદવા માટે કંપની એસબીઆઈ અને એચડીએફસી બેંક સાથે કામ કરી શકે છે. તમને જણાવી દઈએ કે, સૈશે સાઈઝ્ડ ઈન્શ્યોરન્સ પોલિસી ખાસ જરૂરિયાત માટે લેવામાં આવે છે. તેનું પ્રીમિયમ ખૂબ જ ઓછું હોય છે. વોટ્સએપ દ્વારા એચડીએફસી પેન્શન અને પિનબોક્સ સોલ્યૂશંસથી જોડાયેલી પોલિસી પણ ખરીદી શકાશે. આનાથી રિટાયરમેન્ટ બાદ બચત કરવામાં મદદ મળશે. જે લોકોને ઓર્ગેનાઈઝ્ડ એમ્પ્લોઈમેન્ટ બેનિફિટ નથી મળતા અથવા તો કોઈ રિટાયરમેન્ટ પ્લાન નથી, તેમના માટે આ ફાયદારૂપ સાબિત થશે. 

2 કરોડ યુઝર્સને થશે ફાયદો

વોટ્સએપ પેમેન્ટ સર્વિસ 16 ડિસેમ્બર 2020થી ભારતીય યુઝર્સ માટે શરૂ થઈ ગઈ છે. દેશભરના 2 કરોડ યુઝર્સ આનો લાભ લઈ શકે છે. વોટ્સએપ ઈન્ડિયાના પ્રમુખ અભિજીત બોસે કહ્યું કે, આ વર્ષના અંત સુધીમાં એસબીઆઈના સસ્તા આરોગ્ય વીમા મેસેજિંગ એપ્લિકેશન દ્વારા ખરીદી શકાશે. બોસે કહ્યું કે, કંપનીને નવેમ્બર 2020માં વ્હોટ્સએપ પેમેન્ટ સર્વિસ માટે નેશનલ પેમેન્ટ્સ કોર્પોરેશન ઓફ ઈન્ડિયા (એનપીસીઆઇ)ની મંજૂરી મળી ગઈ છે. કંપનીએ તેનું પેમેન્ટ ફીચર યુપીઆઈ સિસ્ટમના આધારે ડિઝાઇન કર્યું છે.

આ રીતે વોટ્સએપ પેમેન્ટ સર્વિસ કરો એક્ટિવેટ

• સૌથી પહેલાં વોટ્સએપના હોમપેજ પર, જમણી બાજુ દેખાતા ત્રણ ડોટ્સ પર ક્લિક કરો. તેમાં Payment વિકલ્પ દેખાશે.
• પેમેન્ટ વિકલ્પ પર ક્લિક કરતા જ પેમેન્ટ વિંડો ખુલશે. આમાં Add new payments method પર ક્લિક કરો.
• પછી એક્સેપ્ટ કરતા જ ચારેય પાર્ટનર બેંકોના નામ આવી જશે. તમારા બેંક વિકલ્પ પર ક્લિક કરો.
• આ પછી બેંકમાં રજિસ્ટર તમારા ફોન નંબર દ્વારા વેરિફાઈ કરો. હવે વોટ્સએપ પર મોબાઈલ નંબર દાખલ કરો.
• મોબાઈલ નંબર નાખ્યા પછી, વોટ્સએપ બેંકથી તમારું એકાઉન્ટ વેરિફાઈ કરશે. પછી ચુકવણી સેવા શરૂ થઈ જશે. હવે તમે પૈસા ટ્રાન્સફર કરી શકો છો.