ટેકનોલોજી / હવે વોટ્સએપ લાવી રહ્યું છે એવી એપ જેનાથી તમે કરી શકશો પેમેન્ટ

વોટસએપ પેને નેશનલ પેમેન્ટ કોર્પોરેશન ઓફ ઈન્ડિયા (એનપીસીઆઈ) નું લાઇસન્સ મળી ગયું છે એનપીસીઆઇ પાસેથી લાઇસન્સ મળ્યા પછી, યુનિફાઇડ પેમેન્ટ ઇન્ટરફેસ (યુપીઆઈ) ની સહાયથી વોટ્સએપ દ્વારા પેમેન્ટ થઇ શકશે. આ માટે વોટસએપે આઈસીઆઈસીઆઈ બેંક સાથે ભાગીદારી કરી છે. વોટ્સએપે હજી સુધી એનપીસીઆઈ તરફથી લાઇસન્સની સત્તાવાર જાહેરાત કરી નથી. એક અહેવાલ મુજબ, પ્રથમ તબક્કામાં, વોટસએપ પે આશરે 1 કરોડ લોકોને એક્સેસ મળશે.

જ્યારે ભારતમાં વોટસએપ યુઝર્સની સંખ્યા 40 કરોડથી વધુ છે. તાજેતરમાં ફેસબુકના સીઈઓ માર્ક ઝુકરબર્ગે જણાવ્યું હતું કે છ મહિનામાં વોટસએપ પે ભારત સહિત ઘણા દેશોમાં લાઇવ થઈ જશે. ભારત સિવાય બ્રાઝિલ, ઇન્ડોનેશિયા અને મેક્સિકોમાં પણ વોટસએપ પે લોન્ચ કરવામાં આવશે. ભારતમાં વોટ્સએપ પેને મંજૂરી ન આપવાનું સૌથી મોટું કારણ સુરક્ષા છે. ઘણા સાયબર નિષ્ણાતોએ પણ વોટસએપ સુરક્ષા અંગે ચિંતા વ્યક્ત કરી છે, છેલ્લા કેટલાક મહિનાઓમાં વોટ્સએપમાં અનેક બગ મળ્યા છે. બીજી બાજુ ગયા વર્ષે ઓગસ્ટમાં પ્રકાશિત થયેલા અહેવાલ મુજબ, ભારતમાં ડિજિટલ પેમેન્ટ દર વર્ષે 12.7 ટકાના દરે વધી રહ્યું છે. અત્યારે ગુગલની પેમેન્ટ સિસ્ટમ ગુગલ પે ભારતમાં ખાસ્સી લોકપ્રિય થઇ રહી છે. વોટસએપ પે ભારતમાં લોન્ચ થશે ત્યારે તેની સીધી સ્પર્ધા વોટસએપ પે સાથે થશે.