ઑનલાઈન છેતરપિંડીની ઘટનાઓ સતત વધી રહી છે. ઓનલાઈન કૌભાંડીઓ અવાર-નવાર છેતરપિંડીની નવી નવી પદ્ધતિ અપનાવે છે. આ કૌભાંડીઓ એટલા શાતિર હોય છે કે નાની ભૂલ તમને મોટુ નુકસાન પહોંચાડી શકે છે. હજી હાલમાં ફેક પેટીએમ દ્વારા છેતરપિંડીની ઘટનાઓ સામે આવી હતી.
ઑનલાઈન છેતરપિંડીની ઘટનાઓમાં થઇ રહ્યો છે વધારો
કૌભાંડીઓ વોટ્સએપ દ્વારા કરે છે છેતરપિંડી
ઓનલાઈન ફ્રોડને કેવીરીતે અટકાવશો?
કૌભાંડીઓ વોટ્સએપ દ્વારા કરે છે છેતરપિંડી
ક્યારેય પેટીએમ કેવાઈસીના નામે તો ક્યારેક એટીએમ અથવા ક્રેડિટ કાર્ડ અપડેટના નામે લોકોને છેતરવાના સમાચાર હવે સામાન્ય થયા છે. તેથી જરૂર છે હંમેશા એલર્ટ રહેવાની. મોબાઈલ-ઈન્ટરનેટની દુનિયામાં વોટ્સએપનો ઉપયોગ હવે સામાન્ય થયો છે. પરંતુ હવે કૌભાંડીઓ વોટ્સએપને જ પોતાનુ માધ્યમ બનાવી રહ્યાં છે. અવાર-નવાર જોવામાં આવ્યું છે કે લોકો વિચાર્યા અને સમજ્યા વગર તાત્કાલિક વોટ્સએપ પર આવેલા લિન્ક અને મેસેજ પર ક્લિક કરી દે છે.
વિચાર્યા વગર કોઈ પણ લિન્ક પર ક્લિક ના કરશો
વિચાર્યા અને સમજ્યા વગર ફેક લિન્ક પર ક્લિક કરવાની ટેવ તમને મુશ્કેલીમાં મુકી શકે છે. આ રીતે લિન્ક પર ક્લિક કરવાથી તમારી સાથે છેતરપિંડી થવાની તક વધી જાય છે. કારણકે આ પ્રકારની લિન્કના માધ્યમથી તમારી બધી જાણકારી કૌભાંડીઓ પાસે જતી રહે છે.
વોટ્સએપ દ્વારા કેવી રીતે થાય છે છેતરપિંડી?
ઈન્ટરનેટ કૌભાંડીઓ તમારા વોટ્સએપ નંબર પર એક ફિશિંગ લિન્ક મોકલે છે. આ લિન્ક તમારા કોમ્પ્યુટર પર પણ આવી શકે છે. આ લિન્ક કોઈ રોચક જાણકારી અથવા ઑફર સાથે જોડાયેલી હોય છે. તહેવારોની સિઝન દરમ્યાન આ પ્રકારની લિન્ક વધારે મોકલવામાં આવે છે. કારણકે તાજેતરમાં ઓનલાઈન શોપિંગ અને ફેસ્ટિવલ ઑફર્સની ભરમાર હોય છે. તમે જેવી આ લિન્ક પર ક્લિક કરો છો તો તમારી સામે એક નવુ પેજ ખુલે છે અને આ પેજ પર તમારી અંગત માહિતી માંગવામાં આવે છે. જેમકે- તમારુ નામ, મોબાઈલ નંબર, ઈ-મેલ આઈડી, બેંક એકાઉન્ટ, પાન કાર્ડ નંબર, આધાર નંબર અથવા પછી ડેબિટ અથવા ક્રેડિટ કાર્ડ નંબર વગેરે.
હૈકર્સના હાથમાં પહોંચી જશે તમારી માહિતી
તમે જેવી આ માહિતીને એ પેજમાં નોંધો છો તો તમારી બધી જાણકારી હૈકર્સની પાસે પહોંચી જશે. જેના આધારે હૈકર્સ તમારા બેંક ખાતાને એક્સેસ કરે છે અને જો તેમને બેંક ખાતાની વિગતો મળી જાય છે તો તમારા ખાતામાં થયેલી જમા રકમને પોતાના ખાતામાં ટ્રાન્સફર કરી નાખે છે.
એલર્ટ રહો
નિષ્ણાંતોએ શોધી કાઢ્યુ છે કે Rediroff.ru વાળા યૂઆરએલમાં છેતરપિંડીની વધુ ઘટનાઓ સામે આવી છે. તેથી જે કોઈ લિન્ક અથવા વેબસાઈટના યુઆરએલમાં Rediroff.ru લખેલુ જોવા મળે તો તેને ક્લિક કરવાનો પ્રયાસ ના કરશો. નવા-નવા એપને ડાઉનલોડ કરવાથી બચો. વધારે ઑફર અથવા મોંઘા ગિફ્ટવાળા લિન્ક પર ક્લિક ના કરશો. કામ વગરની વેબસાઈટ પર જવાનુ ટાળો.