WhatsAppએ ફરી એક વખત પોતાના એપ્લિકેશનમાં 2 નવી અપડેટ પોતાના બીટા યૂઝર્સ માટે જારી કરી છે.જેમાંથી એક અપડેટ ખાસ કરીને WhatsApp ગ્રુપ માટે છે તો બીજી અપડેટ ગ્રુપ અને પર્સનલ ચેટ બંને માટે છે. નવી અપડેટમાં કંપનીએ એક એવા બટનને દૂર કરી દીધું છે જેની સૌથી વધારે જરૂર પડે છે. WhatsAppએ બીટા વર્ઝન પર મેસેજ ફોરવર્ડ કરવાનું બટન દૂર કરી દીધું છે એટલે કે નવા અપડેટ પછી તમને મેસેજને ફોરવર્ડ કરવાનું બટન નહી દેખાય.
જી હા આ માટે કંપનીએ 4 નવા ઑપ્શન્સ 3 ડૉટના માધ્યમથી જોડ્યા છે જેમાં ફોરવર્ડ મેસેજ વૉઇસ કૉલ અને વીડિયો કૉલનો ઑપ્શન મળશે એટલે કે મેસેજને ફોરવર્ડ કરવા માટે હવે તમારે મેન્યૂમાં જવું પડશે.
wabetainfoના બ્લૉગને અનુસાર WhatsApp જલ્દીથી એન્ડ્રોઇડ iOS અને વિન્ડોઝ ફોન માટે અપડેટ જારી કરશે. આ માટેની ટેસ્ટિંગ હજુ બીટા વર્ઝન 2.18.54 પર થઇ રહી છે. નવી અપડેટ પછી WhatsApp ગ્રુપના નામ પર ટેપ કરવા પર તમને ગ્રુપ ડિસ્ક્રિપ્શનનો ઑપ્શન મળશે. એટલે કે ગ્રુપ વિશે તમારે નાની જાણકારી આપી શકો છો જેમાં ગ્રુપ પાછળનો હેતું શું છે અને ગ્રુપમાં કયા પ્રકારનું કનટેન્ટ મોકલી શકશો. ગ્રુપ ડિસ્ક્રિપ્શનના ગ્રુપને તમામ મેમ્બર્સ જોઇ શકશે.