અપડેટ / WhatsApp Status જોવાની મજા થઈ જશે ડબલ! નવું ફીચર જાણીને ખુશ થઈ ગયા યુઝર્સ

• હવે આવશે વોટ્સએપ સ્ટેટસ લગાવવાની અસલી મજા
• યુઝર વૉઈસ નોટ્સને પણ સ્ટેટસ તરીકે સેટ કરી શકે છે
• યુઝર 30 સેકન્ડ સુધીના વૉઈસ નોટને સ્ટેટસ અપડેટમાં લગાવી શકે છે 

વોટ્સએપમાં વધુ એક સારા ફીચરની થશે એન્ટ્રી

વોટ્સએપ તેના કરોડો યુઝર્સના ચેટીંગ અનુભવને વધુ સુરક્ષિત બનાવવા માટે નવા-નવા ફીચર લાવી રહી છે. આ ક્રમમાં હવે વોટ્સએપમાં વધુ એક સારા ફીચરની એન્ટ્રી થવાની છે. આ ફીચર આવ્યાં બાદ તમે વૉઈસ નોટ્સને પણ વોટ્સએપ સ્ટેટસ તરીકે લગાવી શકશો. WABetaInfoના રિપોર્ટ મુજબ, આ નવા ફીચરને વોટ્સએપ એન્ડ્રોઈડ બીટા વર્જન 2.22.21.5માં જોવામાં આવ્યું છે. WABetaInfoએ આ નવા ફીચરનો એક સ્ક્રીનશોટ પણ શેર કર્યો છે, જેમાં તેના યુઝર ઈન્ટરફેસને જોઇ શકાય છે.  

ટેકસ્ટ સ્ટેટસ અપડેટ જેવી છે રીત 

શેર કરવામાં આવેલા સ્ક્રીનશૉટને જોઇને કહી શકાય છે કે વૉઈસ નોટને સ્ટેટસ તરીકે લગાવવાની રીત લગભગ ટેક્સ્ટ સ્ટેટસ અપડેટ જેવી છે. સ્ટેટસ અપડેટ માટે વૉઈસ નોટને રેકોર્ડ કરવાનુ ઓપ્શન વોટ્સએપના નવા વર્જનમાં સેક્શનની અંદર રહેલુ છે. ખાસ વાત એ છે કે યુઝર વૉઈસ નોટ સ્ટેટસ અપડેટ કરતી વખતે તેના બેકગ્રાઉન્ડ કલરને પણ પોતાની પસંદ મુજબ સેટ કરી શકશે. 

એન્ડ-ટૂ-એન્ડ એન્ક્રિપ્શનથી સુરક્ષિત હશે વૉઈસ સ્ટેટસ 

WABetaInfoએ કહ્યું કે વૉઈસ સ્ટેટસ અપડેટને યુઝર જ્યારે પણ ઓપન કરશે તે ઑટોમેટિકલી પ્લે થવા લાગશે. ખાસ વાત એ છે કે વોટ્સએપ વૉઈસ નોટ સ્ટેટસ પણ એન્ડ-ટૂ-એન્ડ એન્ક્રિપ્શનથી સુરક્ષિત હશે. રિપોર્ટ મુજબ, યુઝર 30 સેકન્ડ સુધી વૉઈસ નોટને સ્ટેટસ તરીકે પણ સેટ કરી શકશે. કંપની આ ફીચરનુ અત્યારે ટેસ્ટિંગ કરી રહ્યું છે. બીટા ટેસ્ટિંગ પૂર્ણ થયા બાદ આ ફીચરના સ્ટેબલ વર્જનને ગ્લોબલ યુઝર્સ માટે રોલઆઉટ કરી દેવામાં આવશે. 

હાઈડ કરી શકશો ઑનલાઈન સ્ટેટસ

વોટ્સએપમાં ઑનલાઈન સ્ટેટસ છુપાવનારા ફીચરની એન્ટ્રી થઇ ગઇ છે. આ ફીચરને ઇનેબલ કર્યા બાદ ચેટીંગ કરતી વખતે પણ તમે કોઈને ઑનલાઈન જોઈ શકશો નહીં. આ ફીચર અત્યારે અમુક બીટા ટેસ્ટર્સ માટે આવ્યું છે. રિપોર્ટ મુજબ, ઑનલાઈન સ્ટેટસને હાઈડ કરવાનુ ઓપ્શન યુઝર્સને લાસ્ટ સીનવાળા સેક્શનમાં મળશે. લાસ્ટ સીનમાં યુઝર્સને પોતાનુ લાસ્ટ સીન છુપાવવા માટે ચાર ઑપ્શન Everyone, My Contacts, My Contact Except અને Nobodyનો ઓપ્શન મળે છે. તો ઑનલાઈન સ્ટેટસ માટે કંપની બીટા ટેસ્ટર્સને Everyone અને Same as last seenનો ઓપ્શન આપી રહી છે.