WhatsApp 'ડિલિટ મેસેજ ફોર એવરીવન' ફિચરની સમય મર્યાદાને વધારવાની પ્લાનિંગ કરી રહ્યું છે.
WhatsApp લાવી રહ્યું છે શાનદાર ફિચર
મેસેજ ડિલિટ કરવાનો સમય વધારશે
જાણો વધુ માહિતી વિશે
WhatsAppનો ઉપયોગ કરોડો લોકો કરી રહ્યા છે. શાનદાર અનુભવ માટે WhatsApp પણ નવા-નવા ફિચર્સ લાવી રહ્યું છે. આ વર્ષે WhatsAppએ ઘણા શાનદાર ફિચર્સ લોન્ચ કર્યા છે. વર્ષના અંત સુધી એપ બીજા વધુ ફિચર્સ લોન્ચ કરી શકે છે. હવે ખબર સામે આવી છે કે WhatsApp 'ડિલિટ મેસેજ ફોર એવરીવન' ફીચરની સમયમર્યાદા વધારવાની પ્લાનિંગ કરી રહ્યું છે. હાલ એપ યુઝર્સને મોકલવામાં આવેલા મેસેજને હટાવવા માટે 1 કલાક અને 8 મિનિટ અને 16 સેકેન્ડની સમય મર્યાદાની પરવાનગી આપે છે.
7 દિવસ સુધી ડિલિટ કરી શકાશે મોકલેલા મેસેજ
WhatsApp કથિત રીતે એવું ફિચર લાવવા જઈ રહ્યું છે જે તમારા જુના મોકલવામાં આવેલા મેસેજને 7 દિવસમાં ડિલિટ કરવાની પરવાનગી આપશે. આ Android યુઝર્સની સાથે શરૂ થશે અને બાદમાં iOS માટે રોલ આઉટ થઈ શકે છે. વોટ્સએપને ટ્રેક કરનાર WABetaInfoની રિપોર્ટમાં કહેવામાં આવ્યું છે કે, 'લેટર ડેટમાં 1 કલાક 8 મિનિટ, 16 સેકન્ડથી વધારે જુના દરેક મેસેજ ડિલિટ કરવાનું સંભવ રહેશે. અમે પુષ્ટિ કરીએ છીએ કે વોટ્સએપ હવે ભવિષ્યના અપડેટમાં સમય સીમાને 7 દિવસ અને 8 મિનિટમાં બદલવાની યોજના બનાવી રહ્યું છે.'
Whatsapp પર હાલમાં જ લોન્ચ થયું ફ્લેશ કોલ અને મેસેજ લેવલ રિપોર્ટિંગ ફીચર
Whatsappએ ફ્લેશ કોલ અને મેસેજ લેવલ રિપોર્ટિંગ પણ લોન્ચ કર્યા છે. આ નવા ફિચર એન્ડ્રોઈડ પ્લેટફોર્મ પર ભારતીય યુઝર માટે જોડાયા હતા. ઈન્સ્ટેન્ટ મેસેજીંગ એપનું કહેવું છે કે આ પ્લેટફોર્મને વધારે સુરક્ષિત બનાવશે. ફ્લેશ કોલ એ વ્યક્તિ માટે ઉપયોગી બની શકે છે જે તમારા સ્માર્ટફોનને વારંવાર બદલે છે. મેસેજ લેવલ રિપોર્ટિંગ ફિચરથી યુઝર્સ સ્પેસિફિક મેસેજને ફ્લેગ કરી શકે છે અને રિપોર્ટ કરી શકે છે.