WhatsAppએ આ વર્ષે પોતાના પ્લેટફોર્મ પર જુદાજુદા ફિચર્સ ઉમેર્યા છે. જેવા કે ગ્રુપ કોલિંગ એકાઉન્ટ ઈન્ફો રિક્વેસ્ટ વોટ્સએપ પેમેન્ટ સ્વાઈપ ટૂ રિપ્લાય સ્ટિકર અને અન્ય કેટલાક ફિચર્સ. પરંતુ આટલા ફિચર્સ આવ્યા પછી હજુ પણ ઘણા એવા ફિચર્સ છે જેનું ટેસ્ટિંગ ચાલી રહ્યુ છે. WhatsAppના ફિચર પર નજર રાખનારી વેબસાઇટ WabetaInfoએ હાલમાં નવા ફીચર્સ વિશે જાણકારી આપી છે.
મલ્ટી શેર ફિચર:
જ્યારે WhatsApp આ ફિચરને લાઇવ કરી દેશે તો કોઇ પણ મેસેજને ફોરવર્ડ કરતા પહેલા તેના પ્રીવ્યૂ જોઇ શકશો. તેનાથી તમે આ કન્ફર્મ કરી શકશો કે તમારે આ મેસેજ મોકલવો છે કે નહીં. જોકે આ ફિચર હાલમાં ટેસ્ટિંગ ચાલી રહ્યુ છે. આ ફિચર મુજબ જ્યારે પણ તમે 2 કે તેનાથી વધારે લોકોને મેસેજ ફોરવર્ડ કરશો તો WhatsApp તમને તેનો પ્રીવ્યૂ બતાવશે.
કન્સેક્યુટિવ વોઇસ મેસેજ પ્લેબેક:
આ ફિચર અંતર્ગત યૂઝરને સતત આવેલા વોઇસ મેસેજ ઓટોમેટિક પ્લે થઇ જશે. કન્સેક્યુટિવ વોઈલ મેસેજ ફીચરથી તમે એક સાથે મોકલેલા બેથી વધારે વોઇસ મેસેજને ઓટોમેટિક પ્લે કરશે. પરંતુ આ ફીચરના કામ કરવા માટે યુઝરને ઓછામાં ઓછું એક વોઈસ મેસેજ જાતે પ્લે કરવાનો રહેશે. દરેક વોઈસ મેસેજ ખતમ થયા બાદ WhatsApp એક નાની ટોન પ્લે કરશે તેના પછી ઓટોમેટિક બીજા વોઇસ મેસેજ પ્લે થશે.
ગ્રુપ કૉલ શોર્ટકટ:
આ ફિચરની મદદથી તમે કોઇપણ ગ્રુપને સરળતાથી કોલ કરી શકો છો. હાલમાં ગ્રુપ કોલ માટે તમારે એક સદસ્યને કોલ કરીને બીજાને એડ કરવો પડે છે. તો આ ફિચર આવ્યા પછી યૂઝર ગ્રુપના 3 સભ્યો સિલેક્ટ કરીને વીડિયો કોલ કરી શકે છે.
નાઇટ થીમ અથવા ડાર્ક મોડ:
WhatsApp પર આ ફિચર લોકો લાંબા સમયથી રાહ જોઇ રહ્યા હતા. નાઈટ થીમ કહો અથવા બ્લેક મોડ આ ફીચર યુટ્યુબ અને ટ્વીટર પર આવી ચૂક્યુ છે. જલ્દીથી આ ફિચરની એન્ટ્રી WhatsApp પર થઇ શકે છે.
સ્ટિકર સર્ચ:
WhatsApp હાલમાં જ સ્ટીકર ફિચર જારી કર્યુ હતુ. આ ફિચરને લોકોએ ખૂબ જ પસંદ કર્યુ. હવે WhatsApp સ્ટીકર ફિચર્સ સામે આવવા જઇ રહ્યુ છે. જેની મદદથી તમે પસંદગીના સ્ટીકરને સરળતાથી સર્ચ કરી શકો છો.