WhatsApp યુઝર્સ માટે એક ખુશખબર છે. જે ફીચરનો યુઝર્સ આતુરતાથી રાહ જોઇ રહ્યા હતા, તેનું અમલીકરણ આખરે શરૂ થઇ ગયું છે.
વોટ્સએપ લઈને આવ્યું છે એવું ફીચર જેની આતુરતાથી રાહ જોવાતી હતી
એકસાથે ચાર ડિવાઇસ પર ચલાવી શકશે વોટ્સએપ
યુઝરની પ્રાઈવસીનો પણ રખાશે પૂરેપૂરો ખ્યાલ
વોટ્સએપનું આ નવું ફીચર Multi-device સપોર્ટ છે. આ ફીચરની મદદથી યુઝર ફોન સિવાય અલગ-અલગ 4 ડિવાઇસીઝ પર એકસાથે વોટ્સએપ ચલાવી શકશે. ખાસ વાત એ છે કે અલગ-અલગ 4 ડિવાઇસીઝથી વોટ્સએપ એકાઉન્ટ લીંક હોવા છતાં યુઝર્સની પ્રાઇવસી પર કોઇ અસર નહીં પડે કારણકે કંપની આ ફીચરને End-to-end encryption ની સાથે ઓફર કરી રહી છે.
ફોન એક્ટિવ ન રહેવા પર પણ ચલાવી શકશો WhatsApp
મલ્ટી -ડિવાઇઝ સપોર્ટની વિશેષતા એ છે કે ફોન એક્ટિવ ન હોય અથવા ઇન્ટરનેટથી કનેક્ટેડ ન હોય તો પણ યુઝર અન્ય ડિવાઇસ્ જેવા કે લેપટોપ કે ડેસ્કટોપ પર WhatsApp ચેટિંગનો લ્હાવો ઉઠાવી શકશે. જોકે અન્ય ડિવાઇસ પર વોટ્સએપ એક્સેસ કરવા માટે ઇન્ટરનેટ કનેક્શનની જરૂરીયાત રહેશે. કંપની હાલમાં આ ફીચરને બીટા વર્ઝનમાં રોલઆઉટ કરી રહી છે.
વિલ કૈથકાર્ટે ટ્વિટ કરી જાણકારી આપી
WhatsApp ના હેડ વિલ કૈથકાર્ટે બીટા વર્ઝન થકી રોલઆઉટ થવા જઇ રહ્યાં મલ્ટી -ડિવાઇઝ સપોર્ટ ફીચરની જાણકારી પોતાના ટવિટર હૈંડલમાંથી ટવીટ કરી આપી હતી. તેઓએ ટ્વીટ માં કહ્યું હતું કે હવે ફોન એક્ટિવ ન રહેવા છતાં પણ યુઝર WhatsApp ના ડેસ્કટોપ અથવા વેબ એક્સપીરિયંસ લઇ શકે છે. નવા ફીચરને કંપનીએ બુધવારથી રોલઆઉટ કરવાનું શરૂ કર્યું છે.
બીટા પ્રોગ્રામ પર સ્વિચ કરી શકાશે સ્ટેબલ વર્ઝન યુઝર
કંપની શરૂઆતમાં આ ફીચર એ જ યુઝર્સને ઉપલબ્ધ કરાવી રહી છે કે જે વોટ્સએપના બીટા પ્રોગ્રામનો હિસ્સો છે. કંપનીનું પ્લાનિંગ છે કે આવનારા સમયમાં તેઓ સ્ટેબલ વર્ઝન યુઝર્સને બીટા વર્ઝનમાં સ્વિચ કરવાનો વિકલ્પ આપશે. આવનારા સમયમાં આ વિકલ્પ Linked Devices સ્ક્રીનમાં ઓફરમાં આપી શકાય છે.
QR Code ને સ્કેન કરી લીંક કરી શકાશે ડિવાઇઝ
જે યુઝર્સને વોટ્સએપ મલ્ટી-ડિવાઇસ ફીચર મળવા જઈ રહ્યું છે તેઓને ફોન સિવાય અન્ય ડિવાઇસ પર વોટ્સએપ એક્સેસ કરવા માટે એક QR Codeને સ્કેન કરવું પડશે. આ એવું જ છે જેમ આપણે હાલમાં ફોનની સાથે લેપટોપ કે ડેસ્કટોપ પર વોટ્સએપ લીંક કરવા QR Codeને સ્કેન કરીએ છીએ. બીજા ડિવાઇસ પર વોટ્સએપ લીંક કરવા માટે બાયોમેટ્રિક ઓથેંટિકેશનની પણ જરૂરિયાત રહેશે. મહત્વની વાત એ છે કે યુઝર ક્યારેક પણ લિંક્ડ ડિવાઇઝથી લોગઆઉટ કરી શકશે અને એ પણ જોઇ શકશે કે લિંક્ડ ડિવાઇસ પર તેમનુ વોટ્સએપ ક્યારે એક્ટિવ હતું.