જાણો whatsapp માં આ ફીચર કેવી રીતે કરશે કામ અને એની તમારા પર શું અસર પડશે...
ઇન્સ્ટન્ટ મેસેજિંગ પ્લેટફૉર્મ whatsappના ફીચરને લઇને દરેક સપ્તાહે નવા સમાચાર આવી રહ્યા છે. હવે એના બીજા એક ફીચરને લઇને માહિતી મળી છે જે લોકોની પ્રાઇવેસી માટે ખૂબ જરૂરી છે. WABetaInfo ની તરફથી મળતી માહિતી અનુસાર વૉટ્સએપનું એન્ડ્રોઇડ બીટા વર્ઝન 2.19.106માં જાણવા મળ્યું છે કે કંપની એપની સિક્યોરિટી ફીચર્સને વધારવા પર કામ કરી રહી છે. એની સાથે જ એમાં નવા ડેડિકેટેડ UIની સાથે નવું ડૂડલ ફીચર પણ આવશે.
નહીં લઇ શકો સ્ક્રીનશૉટ
WABetaInfoની તરફથી આપવામાં આવેલી જાણકારી અનુસાર વૉટ્સએપ એક એવું ફીચર એડ કરવા જઇ રહ્યું છે ત્યારબાદ તમે તમારા ચેટનો સ્ક્રીનશૉટ લઇ શકશો નહીં. કંપનીએ તાજેતરમાં પોતાની એપમાં ફિંગરપ્રિન્ટ ઑથેન્ટિકેશન ફીચર એડ કર્યું હતુ જેનાથી iOS અને એન્ડ્રૉઇડ બંને માટે અપડેટ કરવામાં આવ્યું હતું. જો તમે આ ફીચરનો ઉપયોગ કરશો તો તમે સ્ક્રીનશૉટ લઇ શકશો નહીં. જો કે હાલ આ ફીચર પર કામ કરવામાં આવી રહ્યું છે પરંતુ સત્તાવાર વોટ્સએપ તરફથી કોઇ જાણકારી આપવામાં આવી નથી.
whatsappનું નવું ડૂડલ UI
વૉટ્સએપનું નવું બીટા વર્ઝન 2.19.106માં નવું ડૂડલ યૂઆઇ પણ જોવા મળ્યું છે. આ નવું UI જોવામાં ઇન્સ્ટાગ્રામના ડૂડલ ડ્રૉઅરની જેમ જ છે. એમાં સ્ટીકર્સ અને ઇણોજી માટે અલગ અલગ ટેબ આપવાામાં આવ્યું છે. સ્ટીકર્સને ફેવરેટ્સ અને કેટેગરીથી ગ્રુપ કરવામાં આવ્યું છે જેનાથી તમે સરળતાથી સ્ટીકર શોધી શકશો, આ નવા UIમાં સર્ચ ફીચર પણ જોડવામાં આવ્યું છે.