ફેરફાર / WhatsAppમાં ટૂંક સમયમાં આવશે આ નવુ ફીચર, ચેટ કરવામાં આવશે મજા

• વોટ્સએપમાં ટૂંક સમયમાં આવશે આ નવુ ફીચર
• આ ફીચર્સમાં યૂઝર્સ ઈમેજને સ્ટીકરમાં બદલી શકશે
• યૂઝર્સ જાણી શકશે કે મોકલેલી તસ્વીર સ્ટીકર છે કે નહીં

તો આ કામ કેવીરીતે કરશે?

જ્યારે યૂઝર્સ વોટ્સએપમાં કોઈ નવો ફોટો અપલોડ કરશે તો તેને કેપ્શન બારની બાજુમાં નવુ સ્ટિકર આઈકન જોવા મળશે. જ્યારે યૂઝર્સ આ આઈકનને સિલેક્ટ કરશે તો વોટ્સએપ આ ફોટાને રેગ્યુલર ફોટાની જગ્યાએ સ્ટિકર તરીકે સેન્ડ કરશે.

આ ફીચર અત્યારે અંડર ડેવલપમેન્ટમાં

એક રિપોર્ટ મુજબ, યૂઝર્સ જાણી પણ શકશે કે મોકલેલી તસ્વીર સ્ટિકર છે કે નહીં. આ ફીચર અત્યારે અંડર ડેવલપમેન્ટમાં છે અને તાત્કાલિક વોટ્સએપના ડેસ્કટોપ યૂઝર્સને તૈયાર કરાવવામાં આવશે. જોકે, ફીચર ડેસ્કટોપ બીટા વર્ઝન 2.2137.3માં તૈયાર છે. રિપોર્ટમાં કહેવામાં આવ્યું છે કે, આ ફીચર કોઈ થર્ડ પાર્ટી એપનો ઉપયોગ કર્યા વગર તાત્કાલિક ઈમેજને સ્ટિકરમાં ફેરફાર કરવામાં કામ કરશે. અત્યારે વોટ્સએપ આ ફીચરને એન્ડ્રોઈડ અથવા iOSના વોટ્સએપ બીટામાં લાવવાની તૈયારીમાં નથી.

વોટ્સએપે વોટ્સએપ ડેસ્કટોપ માટે બીટા પ્રોગ્રામ લોન્ચ કર્યો

ઉલ્લેખનીય છે કે, ગયા મહિને વોટ્સએપે વોટ્સએપ ડેસ્કટોપ માટે બીટા પ્રોગ્રામ લોન્ચ કર્યો હતો. કારણકે યૂઝર્સ નવા ફીચર્સ ટેસ્ટ કરી શકે. આ બીટા વર્ઝન વિન્ડોઝ અને macOS બંને યૂઝર્સને પૂરી પાડવામાં આવી હતી.