સોશ્યલ મીડિયાનું માધ્યમથી લોકો માહિતીઓની આપલે કરે છે ત્યારે આમા કેટલીક સાચી તો કેટલીક ખોટી માહિતી, અફવાઓ પણ વાયરલ થાય છે. લોકસભા ચૂંટણી નજીક આવી રહી ત્યારે વ્હોટ્સએપ દ્વારા એક નવી સર્વિસ લોન્ચ કરવામાં આવી છે. જેનાથી અફવાઓ પર નિયંત્રણ લાવી શકાય. જાણો કેવી રીતે કામ કરશે આ સર્વિસ...
ચૂંટણી પહેલા વોટ્સએપ કેટલાક સખત નિયમો લઈને આવ્યું છે. વોટ્સએપે ફેક્ટ ચેક સર્વિસ લોન્ચ કરી છે. જેને કંપનીને એક લોકલ સ્ટાર્ટઅપ સાથે મળીને લોન્ચ કરી છે. જેમાં એક નંબર પણ જાહેર કરવામાં આવ્યો છે. જેમાં મેસેજ કરીને ફેક્ટ ચેક કરી શકાય છે. એક તરફ ચૂંટણી નજીક છે.
ત્યારે ખોટા સમાચારો અને મેસેજ ન ફેલાઈ શકે તે માટે વોટ્સએપ આ સુવિધા લઈને આવ્યું છે. જેમાં કોઈ મેસેજ કે સમાચાર પર શંકા લાગે તો ફેક્ટ ચેક માટે આપેલા નંબર પર તે મેસેજને ફોરવર્ડ કરી શકાય છે. જેથી ફેક્ટ ચેકની ટીમ સમાચારને વેરિફાઈ કરશે અને બતાવશે કે તે સાચા છે કે ખોટા.
આ ઉપરાંત વોટ્સએપે ગ્રુપ ઈન્વિટેશન સિસ્ટમની પણ શરૂઆત કરી છે. જેમાં કોઈપણ વ્યક્તિને ગ્રુપમાં એડ કરતાં પહેલા વોટ્સએપ તેની મંજૂરી માગશે.
મહત્વનું છે કે ફેક્ટ ચેક પાંચ ભાષા સપોર્ટ કરે છે. જેમાં અંગ્રેજી, હિન્દી, તેલુગૂ, બંગાળી અને મલયાલમ ભાષા સપોર્ટ કરશે. જેમાં શબ્દો, વીડિયો અને ફોટોનું વેરિફીકેશન કરી શકાય છે.