ટેક્નોલોજી / Whatsapp લોન્ચ કર્યું ડાર્ક મોડ ફિચર, વાપરશો તો મજા પડી જશે

• કંપની ટૂંક સમયમાં બધા યુઝર્સ માટે ડાર્ક મોડ રજૂ કરશે
• અત્યારે અનેક યુઝર્સ વોટ્સએપના આ મોડનો ઉપયોગ કરી રહ્યાં છે

વોટ્સએપ દ્વારા ઘણા દિવસોથી ડાર્ક મોડનું ટેસ્ટિંગ કરવામાં આવી રહ્યું છે

વોટ્સએપ દ્વારા ઘણા દિવસોથી ડાર્ક મોડનું ટેસ્ટિંગ કરવામાં આવી રહ્યું છે. વોટ્સએપે જોકે ડાર્ક મોડના સ્ટેબલ વર્ઝન અંગે હજુ સુધી સત્તાવાર માહિતી શેર કરી નથી. પરંતુ સૂત્રોના જણાવ્યા મુજબ નવા વર્ષના પ્રારંભમાં તમામ યુઝર્સને તેનું એપડેટ મળશે. આ સિવાય કંપની અન્ય ફિચર્સ પર પણ કામ કરી રહી છે.

વોટસએપ ટૂંક સમયમાં આઇઓએસ યૂઝર્સ માટે ડાર્ક મોડ લોન્ચ કરશે. ચીનની ટેક સાઈટ વેબ બીટાનાં ટ્વિટર હેન્ડલ પર આ માહિતી આપવામાં આવી છે. વોટસએપ ડાર્ક મોડ ઉપરાંત લો ડેટા મોડ અને ડિલીટ મેસેજ ફિચર પર ટેસ્ટિંગ કરી રહ્યું છે.લો ડેટા મોડ ફિચર્સ આઇઓએસ યુઝર્સ માટે લોન્ચ કરાશે. આ ફિચર અત્યારે વોટસએપ કોલિંગ માટે છે.

વોઇસ મેસેજને પણ ઓટો ડાઉનલોડ કરતાં રોકી શકશો

રિપોર્ટ અનુસાર લો ડેટા મોડ ફિચર ઓન કરવાથી ઓટો ડાઉનલોડિંગ ચાલુ હોય તો પણ તે ઓટોમેટિક ફોટા અને વીડિયો ડાઉનલોડ કરવાનું બંધ કરશે. આ સિવાય તમે વોઇસ મેસેજને પણ ઓટો ડાઉનલોડ કરતાં રોકી શકશો. વોટ્સએપ ટૂંક સમયમાં એન્ડ્રોઇડ યુઝર્સ માટે ડિલીટ મેસેજ ફિચર લાવશે. યુઝર્સ આ સુવિધા દ્વારા મેસેજ ડિલીટ થવાનો સમય સેટ કરી શકશે. સેટ કરેલા સમયે મેસેજ આપોઆપ ડિલીટ થઇ જશે. આ ફિચર પણ અત્યારે ટેસ્ટિંગના તબક્કે છે.