ફીચર / WhatsAppમાં આવ્યું જબરદસ્ત નવું ફીચર, હવે QR કોડથી થઈ શકશે આ કામ

• વોટ્સએપના યુઝર્સ માટે સારાં સમાચાર
• વોટ્સએપ લઈને આવ્યું મોસ્ટ અવેટેડ ફીચર
• હવે યુઝર્સને મળશે વધુ સુવિધા

બીટા વર્ઝનમાં આવ્યું ફીચર

કંપનીએ આ ફીચર અત્યારે માત્ર iPhones માટે લોન્ચ કર્યો છે. બીટા વર્ઝન માટે રોલઆઉટ કરવામાં આવેલાં આ ફીચરનું સ્ટેબલ વર્ઝન ટૂંક સમયમાં રિલીઝ કરવામાં આવશે. વોટ્સએપમાં આ ફીચરની જાણકારી આપતા WABetaInfoએ કહ્યું કે, એન્ડ્રોઈડ ડિવાઈસ માટે પણ આ ફીચર ટૂંક સમયમાં લોન્ચ કરવામાં આવશે. 

✅ WhatsApp is rolling out the QR Code support for iOS beta users TODAY!https://t.co/DHaaVLSLEk

Read the article to discover if the feature is already available for your WhatsApp account.

— WABetaInfo (@WABetaInfo) May 21, 2020

WABetaInfoએ આ ફીચરથી જોડાયેલા કેટલાક સ્ક્રીનશોટ્સ શેર કર્યાં છે. 
QR કોડ ફીચર વોટ્સએપ યુઝરના ડીપી નેમની બાજુમાં અને સેટિંગની અંદર સેટિંગ ઓપ્શનમાં જોવા મળશે. જ્યારે યુઝર આ આઈકન પર ટેપ કરશે ત્યારે તેને એક QR કોડ દેખાશે. આ QR કોડથી ફ્રેન્ડ્સ સ્કેન અને અપલોડ કરી શકે છે. 

બિઝનેસ કરનાર યુઝર્સને ખૂબ કામ લાગશે આ ફીચર

રોલઆઉટ થયા બાદ આ ફીચર વોટ્સએપના વર્તમાન શેર કોન્ટેક્ટ ફીચરથી જોડાઈ જશે. અત્યારે યુઝરને કોન્ટેક્ટ શેર કરવા માટે ચેટ્સમાં અટેચમેન્ટમાં જવું પડે છે. નવું ફીચર આવ્યયા બાદ આ ઘણું જ સુવિધાજનક થઈ જશે. QR ફીચર બિઝનસ યુઝર્સ માટે ખૂબ કામનું સાબિત થશે, કારણ કે એ લોકોને વધુ યુઝર્સ સાથે નંબર શેર કરવા પડે છે. 

અત્યારે પણ થાય છે QRનો ઉપયોગ

વોટ્સએપ પહેલાંથી જ QR ટેક્નોલોજીનો ઉપયોગ કરી રહ્યું છે. એપ ડેસ્કટોપ બ્રાઉઝર પર QR કોડ સ્કેન કરવાની ફેસિલિટી આપે છે, જેથી મોબાઈલની સાથે ડેસ્કટોપ પર પણ વોટ્સએપ ચલાવી શકાય. રિપોર્ટ પ્રમાણે વોટ્સએપનો આ ફીચર આગળ વધુ મોડિફાઈ કરવામાં આવી શકે છે. મોડિફાઈ થયા બાદ યુઝર એક એકાઉન્ટથી ઘણાં ડિવાઈસથી કનેક્ટ કરી શકશે.