WhatsApp ગ્લોબલ વોઈસ મેસેજ પ્લેયર પર કામ કરી રહ્યું છે. જે યુઝર્સને બીજી કોઈની ચેટમાં રહીને પણ કોઈ અન્ય વ્યક્તિનો વોઈસ મેસેજ સાંભળવાની પરવાનગી આપશે.
વોટ્સ એપ લઈને આવશે નવું ફિચર
ચેટ સાથે સાંભળો વોઈસ મેસેજ
જાણો શું ખાસ હશે નવા ફિચરમાં
ફેસબુકની કંપની ઈન્સ્ટન્ટ મેસેજિંગ એપ વોટ્સએપ પોતાના હાલના વોઈસ મેસેજ ફંક્શનને અપગ્રેડ કરવા માટે નવા ફિચર પર કામ કરી રહ્યું છે. હકીકતે કંરની ગ્લોબલ વોઈસ મેસેજ પ્લેયર પર કામ કરી રહ્યું છે. જે યુઝર્સને બીજી ચેટમાં ગયા બાદ પણ કોઈ બીજાના વોઈસ મેસેજને સાંભળવાની પરવાનગી આપશે. એટલે કે પહેલા જ્યારે ચેટમાં આવેલા વોઈસ મેસેજને આપણે સાંભળતા હતા તો બીજી ચેટમાં જતાની સાથે જ તે બંધ થઈ જતા હતા પરંતુ હવે આ નવું ફિચર આવ્યા બાદ એવું નહીં થાય.
એપની આ અપડેટ હાલ બીટા ટેસ્ટર્સ માટે ડેવલોપમેન્ટ સ્ટેઝમાં છે. તે ઉપરાંત વોટ્સએપ ડિસઅપિયરિંગ મેસેજ ફિચર માટે અપડેટ આપી રહ્યું છે. જેનાથી યુઝર્સ મેસેજ ગાયબ થવા માટે 24 કલાક, 7 કલાક અને 90 દિવસનો સમય નક્કી કરશે. આ ફિચરને હાલના સમયમાં iOS બીટા ટેસ્ટર્સ માટે લોન્ચ કરવામાં આવ્યું છે.
એક રિપોર્ટ અનુસાર કંપની ગ્લોબલ વોઈસ મેસેજ પ્લેયર ટેસ્ટ કરી રહી છે. જોકે ચેટ બંધ કર્યા બાદ પણ વોઈસ મેસેજ ચાલે છે. તેનો મતલબ વોઈસ મેસેજ વોટ્સએપની હોમ સ્ક્રીન પર હોજર રહેશે અને ટોપ પર પિન આપવામાં આવશે. જેના દ્વારા યુઝર્સ બીજી ચેટને જોવાની સાથે પણ લાંબા વોઈસ મેસેજ સાંભળી શકશે.
Voice મેસેજને કરી શકશો Pause
યુઝર્સ વોઈસ મેસેજને Pause અને ડિસ્મિસ પણ કરી શકે છે. રિપોર્ટ અનુસાર પ્લેયરને એન્ડ્રોયડ યુઝર્સ માટે પણ લોન્ચ કરવામાં આવશે.
વોટ્સએપ ઘણા સમયથી પોતાના વોઈસ મેસેજને અપડેટ કરવા પર કામ કરી રહ્યું છે. તેમાંથી ઘણા ફિચર્સ, જેવા કે પ્લેબેક સ્પીડ ટોગલ અને કોન્ઝીક્યુટિવ વોઈસ મેસેજ જોડવામાં આવ્યો છે. એપ ટ્રાન્સ્ક્રિપશ્ન ફીચર પણ ટેસ્ટ કરી રહ્યું છે અને તેનાથી યુઝર્સના એક્સપીરિયન્સને વધુ એડવાન્સ બનાવવાનો પ્રયત્ન કરવામાં આવી રહ્યો છે.