Good News / WhatsApp પર આવી રહ્યું વધુ એક જોરદાર ફીચર! યંગસ્ટર્સ માટે સૌથી વધારે કામનું

• વોટ્સએપ સ્ટેટસના પ્રાઈવસી ફીચરમાં કરી રહી છે થોડા ફેરફાર
• સો. મીડિયા પ્લેટફોર્મ ગુગલ પ્લે બીટા પ્રોગ્રામ દ્વારા નવી અપડેટ જાહેર
• આ ફીચર ટૂંક સમયમાં યુઝર્સ માટે કરાશે જાહેર 

વોટ્સએપ હવે સ્ટેટસના પ્રાઈવસી ફીચરમાં કરશે થોડા ફેરફાર

વોટ્સએપ પોતાના યુઝર્સની પ્રાઈવસીનું ખૂબ ધ્યાન રાખે છે. આ જ કારણ છે કે કંપની હવે સ્ટેટસના પ્રાઈવસી ફીચરમાં થોડા ફેરફાર કરી રહી છે. WABetainfoની રિપોર્ટ મુજબ, વોટ્સએપ સ્ટેટસ માટે તાત્કાલિક એક નવો પ્રાઈવસી શોર્ટકટ મળવા જઇ રહ્યો છે. સોશિયલ મીડિયા પ્લેટફોર્મે ગુગલ પ્લે બીટા પ્રોગ્રામ દ્વારા નવી અપડેટ જાહેર કરી છે. જો કે, અત્યારે આ ફીચરનું ટેસ્ટિંગ ચાલી રહ્યું છે, જે ટૂંક સમયમાં યુઝર્સ માટે જાહેર કરી શકાય છે. 

નવી અપડેટમાં શું હશે ખાસ?

ખરેખર, નવા પ્રાઈવસી શોર્ટકટ દ્વારા તમે નક્કી કરી શકશો કે કોણ તમારું સ્ટેટસ જોઈ શકે છે અને કોણ નહીં. તમારા સ્ટેટસની પ્રાઈવસી સેટ કરવાની સુવિધા અત્યારે પણ મળે છે. જો કે, તેના માટે તમારે સેટિંગ્સની અંદર જઇને ફેરફાર કરવાના હોય છે. નવુ ફીચર આવ્યાં બાદ વારંવાર  સેટિંગ્સમાં જવાની જરૂરીયાત ખત્મ થઇ જશે અને સ્ટેટસ મુકતા સમયે તમને આ શોર્ટકટ મળી જશે. 

તમને મળશે ત્રણ વિકલ્પ 

તમને ત્રણ વિકલ્પ My Contact, My Contact except અને Only share with મળે છે. My Contact ને પસંદ કરવાથી તમારું સ્ટેટસ તમારા બધા કોન્ટેક્ટને બતાવે છે. My Contact except માં સેટ કરવામાં આવેલા કોન્ટેક્ટ સિવાય તમારું સ્ટેટસ બાકી લોકોને જોવા મળશે. તો Only share withમાં તમે નક્કી કરી શકો છો કે કેટલા પસંદ થયેલા લોકોને તમારું સ્ટેટસ દેખાશે.