સંશોધન / WhatsAppને લઇ કરાયો દાવો, સ્વાસ્થ્ય માટે થશે ફાયદાકારક નહીં કે હાનિકારક

જો આપ સોશિયલ મીડિયા પર દિવસભર એક્ટિવ રહે છે તો આપનાં માટે એક ખુશખબરી છે. એક શોધ (research) માં એવો દાવો કરવામાં આવ્યો છે કે વોટ્સએપ (Whatsapp) પર વધારે સમય વિતાવવો એ સ્વાસ્થ્ય માટે સારું છે. આ શોધ ઇન્ટરનેશનલ જરનલ ઓફ હ્યુમન કમ્પ્યુટર સ્ટડીઝમાં પ્રકાશિત કરવામાં આવેલ છે. રિપોર્ટમાં કહેવામાં આવેલ છે કે ટેક્સ્ટ મેસેજિંગ એપ પર ગ્રુપમાં વધારે ચેટિંગ કરવાથી સકારાત્મક મનોવૈજ્ઞાનિક પ્રભાવ પડે છે.

હકીકતમાં આ સ્ટડી ઓનલાઇન ચેટિંગનાં મનોવૈજ્ઞાનિક પ્રભાવને લઇને હતી. રિસર્ચમાં આ વાત સામે આવી છે કે વોટ્સએપ પર વધારે સમય એક્ટિવ રહેનારા શખ્સ એકલતા મહેસૂસ નથી કરતા. રિપોર્ટમાં એવો દાવો કર્યો કે સોશિયલ મીડિયા પર દોસ્તો અને પરિવારથી ચેટિંગ કરીને લોકો ખુદને પોતાની નજીક અનુભવે છે.

આ રિપોર્ટને લઇને એઝ હિલ યુનિવર્સિટીનાં પ્રોફેસર લિંડા કાયે કહ્યું કે, 'સોશિયલ મીડિયાને લઇને તમામ પ્રકારની વાતો સામે આવે છે કે આ સ્વાસ્થ્ય માટે સારું છે કે ખરાબ, પરંતુ આપણે જેવું વિચારીએ છીએ, તે તેવું છે નહીં. શોધમાં અમે જાણ્યું કે, સોશિયલ મીડિયા પર વધારે સમય વિતાવનાર યૂઝર્સ ખુદને પોતાનાં મિત્રો અને પરિવારની નજીક મેળવે છે. એવામાં તેમનાં સંબંધોમાં મજબૂતી આવે છે.'

શોધમાં એમ પણ કહેવામાં આવ્યું કે, આમાં ચેટિંગ ગ્રુપ્સની સૌથી મોટી ભૂમિકા છે, કેમ કે એક ગ્રુપમાં અનેક પ્રકારનાં લોકો હોય છે કે જેનાંથી લોકો તમામ પ્રકારની વાત કરે છે. આ શોધમાં 200 લોકોને શામેલ કરવામાં આવ્યાં હતાં કે જેમાં 158 મહિલાઓ અને 42 પુરૂષ હતાં. શોધમાં શામેલ યૂઝર્સની અંદાજે ઉંમર 24 વર્ષ હતી. આ લોકો પ્રતિદિન સરેરાશ 55 મિનીટ વોટ્સએપ ઉપયોગ કરતા હતાં.