Whatsapp ની નવી અપડેટમાં નવા પ્રાઈવસી ઓપ્શન લાવવાની તૈયારીમાં છે જેનાથી યુઝર નક્કી કરી શકશે કે કોણ તેમનું Last Seen જોઈ શકે અને કોણ નહીં.
Whatsapp પોતાના Last Seen ને લઈને નવું ફીચર લાવવાની તૈયારી કરી રહ્યું છે. આ નવા ફીચરથી યુઝર પોતાનું Last Seen અમુક નિશ્ચિત લોકોથી છુપાવી શકશે. હાલમાં Last Seen છુપાવવું હોય તો તમામ લોકોથી છુપાઈ જાય છે પરંતુ નવા ફીચરથી કોણ તમારું લાસ્ટ સીન જોઈ શકે અને કોણ નહીં તે તમે નક્કી કરી શકશો.
બીટા વર્ઝનમાં શરૂ
આ ફીચર Beta વર્ઝનમાં આવી ગયું છે એટલે કેટલાંક યુઝર્સના વૉટ્સએપમાં રોલઆઉટ થઈ ગયું છે. લાસ્ટ સીન ઘણું કામની ફીચર છે જેનાથી ખ્યાલ આવે છે કે જેમને આપણે મેસેજ મોકલ્યો છે તે આખરે કયા સમયે ઓનલાઈન થયા હતા.
સ્ક્રીનશોટ કર્યો શૅર
WABetainfo એ આ ફીચરની જાણકારી આપી છે અને સાથે સ્ક્રીનશોટ પણ શૅર કર્યો છે જેમાં જોઈ શકાય છે કે આ ફીચર ઍન્ડ્રોઈડ અને iOS ઍપ પર કેવું દેખાશે.
📝 WhatsApp beta for Android 2.21.23.14: what’s new?
WhatsApp is finally rolling out a "My Contacts Except..." option for your Privacy Settings, giving you more control over your privacy.https://t.co/1aAmNZ4Wm9
ઘણી વખત વૉટ્સઍપનું Last Seen ફીચર કેટલાંક લોકો માટે સમસ્યા ઉભી કરી દેતી હોય છે. ખાસ કરીને જ્યારે તમે કોઈને મેસેજ કરવા કે રિપ્લાય કરવા નથી માંગતા. જો કે ઍપમાં બ્લુ ટિક અને લાસ્ટ સીનને ઓફ અથવા ઑન કરવાનો ઓપ્શન આપ્યો છે પરંતુ આ ઘણું લિમિટેડ છે. હવે નવી અપડેટમાં વૉટ્સઍપ નવું પ્રાઈવસી ઑપ્શન લાવવાની તૈયારીમાં છે.
હાલની ઍપમાં જો તમારે Last Seen છુપાવવું હોય તો Settings > Accont > Privacy માં જવાનું રહેશે અને ત્યારે બાદ Last Seen ઓપ્શન દેખાશે તેમાં તમે તમારી ઈચ્છા મુજબ સેટિંગ કરીને સેવ કરી શકો છો.
ઍપ પ્રાઈવસીમાં ચોથો ઑપ્શન મળશે
Privacy સેટિંગ્સમાં હાલ તમને ત્રણ ઑપ્શન Everyone, My Contacts અને NoBody મળે છે. નવી અપડેટ બાદ યુઝર્સને My Contact Except એવું ચોથું ઓપ્શન પણ મળશે. આ ઑપ્શન Last Seen સિવાય Profile Photo અને About માટે પણ મળશે.