દુનિયાભરમાં તમારો નંબર ધરાવતા લોકો તમને તમારી જાણ વિરુદ્ધ ચિત્રવિચિત્ર ગ્રુપમાં એડ કરી દે છે. આનાથી ત્રાસીને અનેક ફરિયાદો ઉઠી છે જેના પગલે હવે વૉટ્સએપે પ્રાઇવસી સેટિંગમાં એક નવો ફીચર એડ કર્યો છે. હવે તમારી મરજી વગર તમને કોઈ વૉટ્સએપ ગ્રુપમાં એડ નહિ કરી શકે.
આજના યુગમાં કોઈપણ સોશિયલ મીડિયા પ્લેટફોર્મ કરતા વૉટ્સએપ સૌથી પ્રખ્યાત ઇન્સ્ટન્ટ મેસેજિંગ સેવા છે. કેટલીક વસ્તુઓ સરળ બનાવવા માટે વૉટ્સએપે સુવિધા આપી હતી કે કોઈપણ વ્યક્તિ તેના સંબંધીઓને વૉટ્સએપ ગ્રુપમાં ઉમેરી શકે છે. આની શરત ફક્ત એ હતી કે જે એડ કરે તે વ્યક્તિની પાસે અન્ય વ્યક્તિનો ફોન નંબર હોવો જોઈએ.
પરંતુ લોકો આ સુવિધાના દુરૂપયોગ કરતા હોવાના અહેવાલો મળવાનું શરૂ થયું. કોઈપણએ રેન્ડમ ગ્રુપમાં કોઈપણ અજાણ્યા લોકોને ઉમેરવાનું શરૂ થઇ ગયું. આ અંગે વૉટ્સએપને સતત ફરિયાદો મળી રહી હતી. આ પછી કંપનીએ આ સમસ્યા હલ કરવાનો નિર્ણય લીધો છે. થોડા મહિના પહેલા વૉટ્સએપે આ માટે એક વિશેષ ફિચર આપ્યું છે. આ ફિચરની મદદ વૉટ્સએપના પ્રાઈવેસી સેટિંગ્સમાં જઈને લઈ શકાય છે.
કેવી રીતે પોતાના ફોનમાં આ ફિચર અનેબલ કરવો
જો તમે એન્ડ્રોઇડ વપરાશકર્તા છો તો પછી આ સુવિધા માટે તમારે એપ્લિકેશનની સેટિંગ્સમાં જવું પડશે. આ પછી એકાઉન્ટના ઑપશન પર ટચ કર્યા પછી પ્રાઇવસી સેટિંગમાં જવાનું રહેશે.
અહીં તમે ગ્રુપની અંદર ત્રણ ઓપશન જોશો. અહીં Everyone, My Contacts અથવા My Contacts Except... એમ ત્રણ વિકલ્પો મળશે.
જો તમે Everyone સિલેક્ટ કરો છો તો પછી કોઈપણ વ્યક્તિ તમને ગ્રુપમાં ઉમેરી શકે છે. જો તમે My Contacts સિલેક્ટ કરો છો તો ફક્ત તમારા Contacts જ તમને WhatsApp ગ્રુપમાં ઉમેરી શકે છે. અને આખરે જો તમે My Contacts Except...નો વિકલ્પ પસંદ કરો છો તો તે પછી તમે તમારા Contactsમાંથી ફક્ત તે જ લોકોને પસંદ કરી શકો છો જે તમને કોઈ ગ્રુપમાં ઉમેરી શકે.
iPhone યુઝર્સ કેવી રીતે આ ફિચર યુઝ કરે?
જો તમે iPhone યુઝર છો તો આ માટે તમારે એપના સેટિંગમાં જઈને પ્રાઇવસી ઉપર ક્લિક કરવાનું રહેશે. આ પ્રાઇવસી ઉપર ક્લિક કરીને ગ્રુપના ઑપશન ઉપર ક્લિક કરીને તમને સ્ક્રીન ઉપર Everyone, My Contacts અથવા My Contacts Except... એમ ત્રણ વિકલ્પો મળશે. અહીં તમે તમારી અનુકૂળતા પ્રમાણે વિકલ્પ સિલેક્ટ કરી શકો છો.