વોટ્સએપ એક મોટું અપડેટ લાવવા માટે તૈયાર છે. મેટાની કંપની લિંક્ડ ડિવાઇસીસ માટે એક ફીચર લાવી રહી છે, જેનાથી યૂઝર્સ પોતાને જ મેસેજ કરી શકશે.
વોટ્સએપમાં આવશે નવા અપડેટ
મલ્ટી લોગીન માટે પોતાને જ મેસેજ કરી શકશે
ગ્રુપ ઇન્ફોના લેઆઉટમાં પણ બદલાવ થશે
વોટ્સએપ એક મોટું અપડેટ લાવવા માટે તૈયાર છે. મેટાની કંપની લિંક્ડ ડિવાઇસીસ માટે એક ફીચર લાવી રહી છે, જેનાથી યૂઝર્સ પોતાને જ મેસેજ કરી શકશે. WABetaInfo દ્વારા જણાવ્યું છે કે જ્યારે વપરાશકર્તાઓ વોટ્સએપ ડેસ્કટોપ બીટા એપ્લિકેશનમાં કોન્ટેક્ટમાં સર્ચમાં જશે, ત્યારે તેઓ ટોપ પર પોતાનો નંબર જોવા મળશે. એટલે કે તમે પોતાના નંબર પર મેસેજ કરી શકશો. આનો ફાયદો તમે મલ્ટી ડિવાઈસ લોગીન કરો છો ત્યારે સામેના ડિવાઈસમાં મેસેજ કરવા માટે કરી શકો છો.
પોતાના નંબરમાં થશે મેસેજ
સ્ટેબલ વર્ઝનમાં અપડેટ જાહેર થયા બાદ યૂઝર્સ અન્ય મોબાઇલ ડિવાઇસથી વોટ્સએપમાં લોગ ઇન કરતી વખતે પોતાનો નંબર જોઇ શકશે. એવું માનવામાં આવે છે કે આ સુવિધા એન્ડ્રોઇડ અને આઇઓએસ બંને વર્ઝન માટે રજૂ કરવામાં આવશે.
રીપોર્ટ બગ્સનો વિકલ્પ મળશે
આ સિવાય વોટ્સએપ એક નવા સેક્શન 'રિપોર્ટ બગ્સ' પર પણ કામ કરી રહ્યું છે, જે એપના સેટિંગ્સમાં દેખાશે. વોટ્સએપમાં હાલમાં 'કોન્ટેક્ટ અસ' વિકલ્પ છે જે વપરાશકર્તાઓને એપ્લિકેશનમાં કોઈપણ સમસ્યાની જાણ કરવાની મંજૂરી આપે છે.
ગ્રુપ ઇન્ફો લેઆઉટમાં બદલાવ
એટલું જ નહીં ગયા અઠવાડિયે WB દ્વારા શેર કરવામાં આવેલા સ્ક્રીનશોટમાં જોવામાં આવ્યું હતું કે, ગ્રુપ ઈન્ફો ડિઝાઈનમાં ફેરફાર થવાનો છે. નીચેનો ફોટો જુઓ પહેલાં અને અત્યારે ડિઝાઇનમાં કેટલો ફરક છે? બીટાના લેટેસ્ટ અપડેટમાં યૂઝર્સને આ ફેરફાર મળશે, જ્યાં હવે ડાર્ક હાઇલાઇટમાં 'ગ્રુપ એડમિન' ઇન્ડિકેટર દેખાશે.
ભાષા માટે આવશે નવું ફીચર્સ
WaBetaInfo એ વધુ માહિતી આપી છે કે એપ્લિકેશનમાં ભાષાથી સંબંધિત એક નવા ફીચરનું પરીક્ષણ કરવામાં આવી રહ્યું છે. WABetaInfo એ પોતાના ટ્વિટર દ્વારા પોસ્ટ કર્યું છે, જે મુજબ આ નવા ફીચરનું નામ 'એપ લેંગ્વેજ' છે, અને તે વોટ્સએપના એન્ડ્રોઇડ બીટા 2.22.19.10 માટે રજૂ કરવામાં આવી રહ્યું છે.