તમારા કામનું / WhatsAppએ લોન્ચ કર્યુ શાનદાર ફિચર, મેસેજ ડિલિટ કરવાને લઈને આપ્યું આ અપડેટ

• WhatsAppએ લોન્ચ કર્યુ શાનદાર ફિચર
• ડિલીટ ફોર મી ઓપ્શનમાં આપ્યુ અપડેટ 
• જાણો કઈ રીતે કરશે કામ 

WhatsApp વિશ્વના સૌથી મોટા ઇન્સ્ટન્ટ મેસેજિંગ પ્લેટફોર્મ પૈકીનું એક છે. Meta ની માલિકીની કંપનીએ સોમવારે એક નવું ફીચર 'WhatsApp Accidental Delete' બહાર પાડ્યું છે. આવું ઘણીવાર થાય છે જ્યારે યુઝર્સ 'ડિલીટ ફોર એવરીવન'ને ​​બદલે 'ડીલીટ ફોર મી' પર ક્લિક કરે છે.

આવી સ્થિતિમાં યુઝર્સને ઘણી વખત ઓકવડ પરિસ્થિતિનો સામનો કરવો પડે છે. જોકે WhatsApp દ્વારા બહાર પાડવામાં આવેલ લેટેસ્ટ ફીચર યુઝર્સને 'delete for everyone' પર ક્લિક કરવાની વધુ એક તક આપશે. ચાલો જોઈએ કે નવું ફીચર કેવી રીતે કામ કરે છે.

યુઝર્સની પ્રાઈવસીને મજબૂત બનાવશે આ ફિચર
WhatsAppનું એક્સિડેન્ટલ ડિલીટ ફીચર યુઝર્સની પ્રાઈવસીને વધુ મજબૂત બનાવે છે. જ્યારે પણ યુઝર્સ કોઈ મેસેજ ડિલીટ કરે છે ત્યારે 'ડિલીટ ફોર એવરીવન' અને 'ડિલીટ ફોર મી' ઓપ્શન આવે છે. 'ડિલીટ ફોર એવરીવન' સાથે, દરેક વ્યક્તિ માટે મેસેજ ડિલીટ થઈ જાય છે. 

બીજી તરફ, જો યુઝર 'delete for me' વિકલ્પ પર ક્લિક કરે છે, તો તે મેસેજ ફક્ત તે યુઝર માટે જ કાઢી નાખવામાં આવે છે, બાકીના કોન્ટેક્ટ તે મેસેજ જોઈ શકે છે. જો કે હવે વોટ્સએપે યુઝર્સને ભૂલ સુધારવાની તક આપી છે.

ભૂલથી ડિલિટ કરેલ મેસેજ કરો Undo 
કોઈ મેસેજને ડિલીટ કરવા માટે, જો યુઝર 'ડિલીટ ફોર એવરીવન'ને ​​બદલે 'ડીલીટ ફોર મી' ઓપ્શન પર ક્લિક કરે છે, તો મેસેજ ડિલીટ થયા પછી પણ અન્ય યુઝર્સ તે મેસેજ જોઈ શકે છે. 

ત્યાં જ નવા ફિચર સાથે જો તમે ભૂલથી 'ડીલીટ ફોર મી' પર ક્લિક કરો છો, તો એક પોપ દેખાય છે, જે તમને ડિલીટને Undo કરવાની તક આપે છે. મતલબ કે હવે યુઝર્સને ભૂલ સુધારવા માટે પાંચ સેકન્ડનો સમય મળશે.

ભૂલ સુધારવા મળશે 5 સેકેન્ડનો સમય 
વોટ્સએપનું નવું ફીચર આકસ્મિક રીતે 'ડીલીટ ફોર મી' મેસેજને Undo કરવાની તક આપે છે. જો યુઝર્સ પાંચ સેકન્ડની અંદર આ ડિલીટને Undo કરી દે છે, તો દરેક વ્યક્તિ માટે મેસેજ ફરીથી ડિલીટ કરી શકાશે. 

હવે યુઝર્સ ફરીથી તે મેસેજને પસંદ કરીને અને 'ડિલીટ ફોર એવરીવન' પર ક્લિક કરીને મેસેજને ડિલીટ કરી શકશે. કંપનીએ આઈફોન અને એન્ડ્રોઈડ બંને યુઝર્સ માટે આ ફીચર બહાર પાડ્યું છે.

પોતાની સાથે કરો ચેટ
તમને જણાવી દઈએ કે ઈન્સ્ટન્ટ મેસેજિંગ પ્લેટફોર્મે ગયા મહિને ભારતમાં 'મેસેજ યોરસેલ્ફ' ફીચર લોન્ચ કર્યું છે. આ ફીચરની મદદથી યુઝર્સ પોતાની સાથે વન ટુ વન ચેટ કરી શકે છે. યુઝર્સ તેમના નંબર પર નોટ્સ, રિમાઇન્ડર્સ, શોપિંગ લિસ્ટ અને ટુ-ડૂ લિસ્ટ જેવી મહત્વપૂર્ણ વસ્તુઓ મોકલી શકે છે.