મહત્વનો નિર્ણય / નવી પ્રાઈવસી પોલિસીનો ભારે વિરોધ થતાં Whatsapp એ લેવો પડ્યો આ નિર્ણય, જુઓ શું કરી જાહેરાત

• WhatsAppએ લીધો મહત્વનો નિર્ણય 
• પ્રાઇવસી પોલિસીને લઇને હોબાળો 
• ફેબ્રુઆરીની જગ્યાએ મેમાં આવશે પોલિસી 

વૉટ્સઍપ યુઝર્સને  જ મહિને નોટિફીકેશન મળી હતી જેમાં કહેવામાં આવ્યું હતું કે કંપની નવી પ્રાઇવસી પોલિસી લઇને આવી રહી છે અને જેનાથી તમારો ડેટા પણ ફેસબૂક સાથે શૅર કરવામાં આવશે. જે બાદ દુનિયાભરના લોકોએ ટેલિગ્રામ અને સિગ્નલ જેવી ઍપ પર સ્વિચ કરી લીધું. 

વૉટ્સઍપે શુક્રવારે કહ્યું કે હવે ફેબ્રુઆરીની જગ્યાએ નવી પોલિસી મે મહિનામાં આવશે. આ અપડેટેડ પોલિસીમાં માત્ર બિઝનેસ અકાઉન્ટ પર જ ફોકસ કરવામાં આવશે. નવી પોલિસીમાં પર્સનલ ચૅટ પર પ્રભાવ નહી પડે. પર્સનલ ચૅટમાં એન્ડ-ટુ-એન્ડ અનક્રિપ્શન રહેશે. વૉટ્સઍપે એક નિવેદનમાં કહ્યું કે આ અપડેટથી ફેસબૂક સાથે ડેટા શૅર નહી કરવામાં આવે. 

વૉટ્સઍપે કહ્યું કે, અત્યારે દરેક વ્યક્તિ વૉટ્સઍપ પર ખરીદી નથી કરી રહ્યું પરંતુ અમને લાગે છે કે આવનારા સમયમાં વધારે યુઝર્સ વૉટ્સઍપથી શોપિંગ કરશે અને દરેક લોકોને આ સર્વિસીઝ વિશે જાણકારી હોવી જરૂરી છે. 

ફેસબૂક છેલ્લા એક વર્ષથી બિઝનેસ ટૂલ રોલ આઉટ કરી રહ્યું છે. કંપનીનો હેતુ હાઇ-ગ્રોથવાળા વૉટ્સઍપ અને ઇન્સ્ટાગ્રામ જેવા પ્લેટફોર્મથી રેવન્યુ વધારવાનો છે. મહત્વનું છે કે ફેસબૂકે 2014માં 19 બિલીયન ડૉલરનું સંપાદન કર્યુ હતુ પરંતુ તેને મોનિટાઇઝ કરવામાં કંપની ધીમી છે. 

ઉલ્લેખનીય છે કે વૉટ્સઍપ યુઝર્સનો કેટલોક પર્સનલ ડેટા જેમાં યુઝર્સનો ફોન નંબર અને આઇપી એડ્રેસ સામેલ છે. પહેલાથી જ ફેસબૂક સાથે શૅર કરવામાં આવે છે. વૉટ્સઍપે કહ્યું કે અમે તે વાતની જાણકારી નથી રાખતા કે કોણ કોને મેસેજ કરે છે અને કોલ કરે છે.