દુનિયાની સૌથી મોટી ટેક્સ્ટ મેસેજિંગ એપમાં ગ્રુપ વીડિયો કોલિંગ ફીચરને લઇને યૂઝર્સ ઘણા સમયથી રાહ જોઇ રહ્યા છે. વાસ્તવમાં છેલ્લા ઘણા સમયથી આ વાતને લઇને અટકળો ચાલી રહી હતી કે વ્હોટ્સઅપ જલ્દી ગ્રુપ વીડિયો કોલિંગ ફીચરને લોન્ચ કરી શકે છે. પરંતુ હવે આ ફીચરની બીટા ટેસ્ટિંગ લાઇવ થઇ ચુકી છે.
આઇઓએસ બિલ્ડ 2.18.52 અને એન્ડ્રોઇડ બીટા વર્ઝન 2.18.145 પર વ્હોટ્સઅપ ગ્રુપ કોલ ફીચર લાઇવ થઇ ગયું છે. પરંતુ આ ફીચર સીમિત યૂઝર્સ માટે છે. એટલે કે તમે લકી હશો તો આ ફીચરનો હાલમાં ઉપયોગ કરી શકશો. તો બીજા યૂઝર્સે હજુ ઈ ફીચર માટે રાહ જોવી પડશે.
WABeta Info ના એક રિપોર્ટ અનુસાપ વ્હોટ્સઅપ ગ્રુપ વીડિયો કોલિંગ ફીચર હાલમાં કેટલાક યૂઝર્સ માટે ઉપલબ્ધ છે.
whatsapp ગ્રુપ વીડિયો કોલિંગ ફીચર તમારા ફોનમાં છે કે નહીં એન માટે તમારે એક કોલ કરવો પડશે. કોલ દરમિયાન તમારે જોવું પડશે કે 'એડ પાર્ટિસિપેન્ટ'નું બટન તમને સ્ક્રીન પર ક્યાંય જોવા મળી રહ્યું છે. જો તમને તમારી સ્ક્રીન પર 'એડ પાર્ટિસિપેન્ટ' નું બટન દેખાઇ રહ્યું છે તો તમે બીજા યૂઝર્સને આ ગ્રુપ વીડિયો કોલમાં સામેલ કરી શકો છો. એવામાં તમને તમારી સ્ક્રીન પર એવું કોઇ બટન જોવા મળી રહ્યું નથી તો એનો અર્થ એ છે કે તમને હજુ આ ફીચર મળ્યું નથી.
શું હશે ખાસ
રિપોર્ટસ પ્રમાણે વ્હોટ્સઅપ ગ્રુપ વીડિયો કોલિંગની મદદથી તમે એક વખતમાં 4 યૂઝર્સને જોડી શકશો.આ ફીચર્સ થોડુંક સ્કાઇપની જેમ હશે. આ ફીચર માટે ફેસબુક એફ 8 ડેવલપર્સ કોન્ફ્રેસ દરમિયાન જણાવ્યું હતું.