પોલીસે શુક્રવારે જણાવ્યું કે, એક 27 વર્ષની મહિલાને સાઈબર છેતરપિંડી દ્વારા કથિત રીતે 3 લાખ રૂપિયાથી વધુનો ચુનો લગાડ્યો. આ મહિલાએ એક મુખ્ય ઓનલાઈન શોપિંગ પોર્ટલ પર તેને ઈનામ આપવાનું વચન આપ્યું હતુ. એક અધિકારીએ કહ્યું કે, આ એક કાંદીવલીમાં રહેતી ઈન્ટીરીયર ડીઝાઈનર મહિલા છે.
27 વર્ષની મહિલા સાથે થઈ છેતરપિંડી
સાઈબર છેતરપિંડી દ્વારા 3 લાખથી વધુનો ચુનો લગાડ્યો
પોલીસે અજાણ્યા વ્યક્તિ સામે FIR નોંધી
મહિલાએ ઓનલાઈન છેતરપિંડીની કરી ફરિયાદ
આ મહિલાએ ગયા અઠવાડિયે છેતરપિંડીની ફરીયાદ ચારકોપ પોલીસ સ્ટેશનમાં કરી હતી. ફરિયાદીએ જણાવ્યું કે, તેને વોટ્સએપ પર એક લિન્ક મોકલી હતી. જ્યાં એક મુખ્ય ઓનલાઈન શોપિંગ પોર્ટલના નામે થોડા કાર્યોને પૂર્ણ કરીને ઈનામ આપવાનું વચન આપવામાં આવ્યું હતું. અધિકારીએ જણાવ્યું કે, આ લિન્ક પર ક્લિક કર્યા બાદ તેને એક યુઝર આઈડી અને પાસવર્ડ બનાવવાનું કહેવામાં આવ્યું. ત્યારબાદ તેને ઈનામમાં 64 રૂપિયા મળ્યાં. ત્યારબાદ તેને રિચાર્જિગનું વધુ એક કામ કરવાનું કહેવામાં આવ્યું. જેના માટે તેમને ફરીથી ઈનામ મળ્યું.
પોલીસે IPSની કલમ 420 હેઠળ FIR નોંધી
ફરિયાદીએ બાદમાં વધુ ઈનામ મેળવવા માટે મોટાભાગના નાણાં જમા કરવા માટે પ્રોત્સાહિત કરવામાં આવ્યાં અને તેણે એવુ કર્યુ પણ ખરા. ત્યારબાદ મહિલાએ વધુ એક એસાઈમેન્ટને પૂર્ણ કરવા માટે 3.11 લાખ રૂપિયા જમા કર્યા. પરંતુ તેની બદલે તેમને કશું મળ્યું નહીં. અધિકારીના જણાવ્યાં મુજબ, પોલીસે અજાણ્યા વ્યક્તિઓની સામે આઈપીસીની કલમ 420 (છેતરપિંડી) અને માહિતી ટેકનોલોજી અધિનિયમ સંબંધિત જોગવાઈઓ હેઠળ એક એફઆઈઆર નોંધી છે. હાલ, પોલીસે આગળની કાર્યવાહી હાથ ધરી છે.
ક્યારેય આવી ભૂલ ના કરશો!
પોલીસે જણાવ્યું કે, લોકો અવારનવાર ઓનલાઈન ફ્રોડનો શિકાર બની જાય છે, જેના માટે અધિકારીએ જણાવ્યું કે, તમારા ફોન અથવા લેપટોપ પર કોઈ એવી લિન્ક પર ક્લિક ના કરો. જે મફતમાં ઈનામ અથવા મફતમાં પૈસા આપવાની વાત કરે છે.