ચેતજો / હૂબહૂ WhatsApp જેવી જ દેખાય છે આ નકલી એપ, જો ભૂલથી પણ ડાઉનલોડ કરી તો...

• WhatsAppની ડુપ્લિકેટ એપથી થઈ જાઓ સાવધાન 
• જોજો, ભૂલથી નકલી એપ ડાઉનલોડ ન થઈ જાય
• નહીં તો ફોનમાં બેન થઈ જશે ઓરિજિનલ વોટ્સએપ

એક રિપોર્ટ મુજબ વોટ્સએપના અનઓફિશિયલ વર્ઝન એટલે કે નકલી એપ્સ અમુક દેશોમાં ઘણી જ પોપ્યુલર થઈ રહી છે.  Caribou Dataના કો-ફાઉન્ડર Bryan Ponનું કહેવું છે કે, ‘Whats App mods’ જેવી ફેક વોટ્સએપ એપ આટલી પોપ્યુલર થવાનું સૌથી મોટું કારણ તેના ફીચર્સ છે. આ નકલી એપમાં અસલી એપ કરતા પણ વધુ એડવાન્સ ફીચર્સ આપવામાં આવ્યા છે. જેના કારણે યુઝર્સ તેની તરફ વધુ આકર્ષિત થાય છે. 

આ સિવાય સૌથી વધુ પોપ્યુલર GBWhatsApp છે. આ વોટ્સએપ જેવી જ દેખાતી એવી એપ છે જે યુઝરના સ્ટેટ્સને ડિલીટ થયા બાદ પણ તેને જોવાની સુવિધા આપે છે. સાથે જ તેમાં ડિલીટ કરેલાં મેસેજ પણ રિસ્ટોર કરી શકાય છે. એટલું જ નહીં તેમાં 50 એમબીની ફાઈલ મોકલવાનો ઓપ્શન પણ મળે છે. જ્યારે અસલી વોટ્સએપમાં મા6 16 એમબીની જ ફાઈલ મોકલી શકાય છે. આ સિવાય WhatsApp Plus પણ થર્ડ પાર્ટી એપમાંથી એક છે. 

આ સિવાય ‘YoWhatsApp’ અને ‘FMWhatsApp’ નામની બે એપ્સ પણ ઘણી જ પોપ્યુલર છે. આ અનઓફિશિયલ વોટ્સએપ છે. રિપોર્ટ મુજબ આ બંને નાઈજીરિયા, કેન્યા અને દક્ષિણ આફ્રિકા દેવા દેશોમાં ઘણી જ પોપ્યુલર છે. 

જરૂરી વાત

વોટ્સએપની પોલિસીમાં લખ્યું છે કે, વોટ્સએપની થર્ડ પાર્ટી એપ GB WhatsApp અને WhatsApp Plusનો ઉપયોગ કરવા પર વોટ્સએપ યુઝરને ટેમ્પરરી બેન કરી દે છે. જો તમે પણ આવી એપનો ઉપયોગ કરી રહ્યાં છો તો સાવધાન થઈ જાઓ. 

વોટ્સએપના FAQ પેજ પર આપેલી જાણકારી મુજબ, કંપની આવું એટલા માટે કરે છે કારણ કે, આ બંને વોટ્સએપના ઓફિશિયલ વર્ઝન નથી પરંતુ થર્ડ પાર્ટી એપ્સ છે. આ અનઓફિશિયલ એપ્સ થર્ડ પાર્ટીએ બનાવેલી છે અને તે વોટ્સએપના નિયમોનો ભંગ કરે છે, જેથી વોટ્સએપ તેને સપોર્ટ કરતું નથી.