WhatsApp, સ્માર્ટફોનનો ઉપયોગ કરનારા તમામ લોકો આ નામથી વાકેફ હશે. આ દુનિયાભરમાં સૌથી વધારે ઉપયોગમાં લેવામાં આવતી મોબાઇલ એપમાંથી એક છે.
દુનિયાભરમાં લગભગ 150 કરોડથી વધારે લોકો WhatsAppના એક્ટિવ યૂઝર છે. ભારત આ એપના સૌથી મોટા માર્કેટમાંથી એક છે. આમ તો દેશમાં બીજી ઘણી ઇન્ટસ્ટન્ટ મેસેજિંગ એપ છે, પરંતુ 20 કરોડથી એક્ટિવ યૂઝર્સની સાથે આ એપ સૌથી વધારે ચર્ચિત છે.
WhatsApp સતત પોતાના યૂઝર્સ માટે નવા ફિચર્સ અપડેટ કરે છે, જેમાં હવે આલ્બમ લે આઉટ અને ઓડિયો ફોર્મેટમાં ચેન્જ આવશે. WhatsApp હવે એ ફિચર બંધ કરી શકે છે કે જેનાથી યૂઝર્સ બીજા યૂઝર્સના પ્રોફાઇલ ફોટોને પોતાના ફોનમાં સેવ કરી શકતા હતા. હાલમાં યૂઝર પોતાના WhatsApp કોન્ટેક્ટનો પ્રોફાઇલ ફોટો ઓપન કરવા પર શૅર કરવા માટે ઓપ્શન મળે છે, અને તેને સિલેક્ટ કરી તેઓ ફોટોને સેવ પણ કરી શકે છે.
એક રિપોર્ટ અનુસાર, હાલમાં iPhone WhatsApp દ્વારા આ નવા ફિચરનું ટેસ્ટિંગ ચાલી રહ્યુ છે અને ટૂંક સમયમાં iOSના યૂઝર માટે તમને ઑફિશ્યલી જાહેર કરી શકાય છે. એન્ડ્રોઇડ યૂઝર્સને અપડેટ ક્યારે મળશે તે અંગે કોઇ સ્પષ્ટતા થઇ નથી. આ ફિચર આવ્યા પછી WhatsAppમાં અત્યાર સુધી કોઇના પણ પ્રોફાઇલ ફોટો ડાઉનલોડ કરી શકતા હતા તે બંધ થઇ શકે.
WhatsApp ટૂંક જ સમયમાં પ્રોફાઈલ ફોટોને ડાઉનલોડ, કોપી કે સેવ કરવાના ઓપ્શનને ખતમ કરી દેશે. આ ફીચર પહેલા એન્ડ્રોઈડના અપડેટમાં દેખાયું હતું, પરંતુ ગ્રુપ ચેટ્સમાં માટે આ નિયંત્રણ હાલ લાગુ નથી, મતલબ કે કોઈપણ Whatsapp ગ્રુપનો પ્રોફાઇલ ફોટો ડાઉનલોડ કરી શકાય તેમ છે.
Whatsapp ભલે ડીપી ડાઉનલોડ ન થઈ શકે તેવા પરિવર્તન લઈ આવે, પરંતુ તેનો સ્ક્રીનશોટ તો લઇ શકાશે.