ટેકનોલોજી / વોટસએપે શરૂ કરેલ આ ફિચરનો ઉપયોગ કરશો તો આંખને નહીં થાય નુકસાન

તાજેતરમાં જ કંપનીએ ચાર્ક મોડનો વોટસએપનો લોગો પણ બહાર પાડ્યો હતો જેનો કલર પણ બ્લેક છે. કંપનીને તેના સત્તાવાર ટ્વિટર એકાઉન્ટ પર નવા લોગો વિશે માહિતી આપી છે. કંપનીએ તેના ટ્વિટર એકાઉન્ટ અને બ્લોગ પોસ્ટ પરથી ડાર્ક મોડ ફિચર વિશે માહિતી આપી 59 સેકંડનો વિડીયો પણ પોસ્ટ કર્યો છે. ઉલ્લ્ખેનીય છે કે એન્ડ્રોઇડ અને આઇઓએસમાં સિસ્ટમ ડાર્કમોડ લોકોને પસંદ આવી રહ્યો છે. અનેક એપ્સ પણ તેને સપોર્ટ કરે છે.

વોટસએપમાં ડાર્ક મોડની લાંબા સમયથી રાહ જોવાઇ રહી હતી. આ મોડમાં ચેટનું બેકગ્રાઉન્ડ ડાર્ક હોય છે. ખાસ કરીને રાત્રે ફોનનો ઉપયોગ કરતી વખતે ડાર્ક મોડ આંખ માટે સારો રહે છે. જો તમારા ફોનમાં પહેલેથી જ આઇઓએસ 13 અથવા એન્ડ્રોઇડ 10 સોફ્ટવેર છે, તો વોટ્સએપ આપમેળે ડાર્ક મોડ પર સ્વિચ થઈ જશે. પરંતુ જો તમારા ફોનમાં તે પહેલાનું સોફટવેર હોય તો સેટિંગમાં જઇને ડાર્ક મોડ સેટ કરવો પડશે. સૌ પ્રથમ વોટ્સએપ સેટિંગ્સ પર જાઓ. પછી ચેટ્સ પર ટેપ કરો.પછી થીમ પર ટેપ કરો. અહીં તમને ડાર્ક મોડનો ઓપ્શન મળશે. તેને ટેપ કરતાં ડાર્ક મોડ ઓન થઇ જશે.