પ્રતિબંધ / WhatsApp પર આવું કરતાં હોય તો ચેતી જજો! ઓગસ્ટમાં જ 20 લાખ એકાઉન્ટ બૅન

• વોટ્સએપે 20 લાખથી વધુ ભારતીય ખાતા પર પ્રતિબંધ લગાવ્યો
• બલ્ક મેસેજના દુરૂપયોગના કારણે લગાવવામાં આવ્યો પ્રતિબંધ
• 95 ટકાથી વધુ એકાઉન્ટ પર લગાવવામાં આવ્યો પ્રતિબંધ

બલ્ક મેસેજનો દુરૂપયોગ

સોશિયલ મીડિયા કંપની ફેસબુકે ઓગષ્ટ મહિના દરમ્યાન 10 નિયમોની ઉલ્લંઘનવાળી કેટેગરીમાં 3.17 કરોડ સામગ્રીઓ પર કાર્યવાહી કરી. અહેવાલ મુજબ, વોટ્સએપે મંગળવારે જાહેર કરેલ પોતાના રિપોર્ટમાં જણાવ્યું કે તેમને ઓગષ્ટ મહિનામાં 20,70,000 ભારતીય ખાતાઓ પર પ્રતિબંધ લગાવ્યો છે. વોટ્સએપે અગાઉ કહ્યું હતુ કે જે ખાતા પર પ્રતિબંધ લગાવવામાં આવ્યો છે, તેમાંથી 95 ટકાથી વધુ ખાતા પર પ્રતિબંધ તેમના દ્વારા બલ્ક મેસેજના દુરૂપયોગને કારણે લગાવવામાં આવ્યો છે.

આંતરરાષ્ટ્રીય સ્તરે પણ પ્રતિબંધ

આંતરરાષ્ટ્રીય સ્તરે વોટ્સએપ પોતાના પ્લેટફોર્મનો દુરૂપયોગ કરનારા અંદાજે દર મહિને 80 લાખ એકાઉન્ટ પર પ્રતિબંધ લગાવે છે. આ ઉપરાંત ફેસબુકે શુક્રવારે જાહેર કરેલ પોતાના અનુપાલન રિપોર્ટમાં જણાવ્યું કે, ફેસબુકે ઓગષ્ટ 2021માં 3.17 કરોડ કન્ટેન્ટ પર કાર્યવાહી કરી છે. જ્યારે ઈન્સ્ટાગ્રામે આ દરમ્યાન નવ અલગ-અલગ કેટેગરીમાં તેના પ્લેટફોર્મ પર નાખવામાં આવેલા 22 લાખ કન્ટેન્ટ પર કાર્યવાહી કરી.

904 યૂઝર્સ રિપોર્ટ મેળવ્યાં

ફેસબુકે જણાવ્યું કે, ફેસબુકે 1-31 ઓગષ્ટ દરમ્યાન પોતાની ભારતીય ફરિયાદી સિસ્ટમ હેઠળ 904 યૂઝર્સ રિપોર્ટ મેળવ્યાં છે. જેમાંથી તેમણે 754 કેસોનો નિકાલ લાવી દીધો. કંપનીએ રિપોર્ટમાં કહ્યું કે આ ત્રણ કરોડથી વધારે કન્ટેન્ટમાં સ્પૈમ (2.9 કરોડ), હિંસક (26 લાખ), પુખ્ત નગ્નતા અને જાતિય ગતિવિધિ (20 લાખ), દ્વેષપૂર્ણ ભાષણ (2,42,000) સહિત બીજા મુદ્દાઓ સાથે જોડાયેલી સામગ્રીનો સમાવેશ થાય છે.