ટેકનોલોજી / Whatsapp માં બેટરી બચાવવા માટેનું જે ફીચર મળવાનું હતું તેની માટે હજુ રાહ જોવી પડશે

વોટસએપના એપડેટ સહિતની બાબાતો પર નજર સાઇટ WABetaInfo ના જણાવ્યા મુજબ વોટ્સએપ બીટા અપડેટ વર્ઝન 2.19.353માં  ડાર્ક મોડને લગતી કેટલાક ફિચર જોવા મળ્યા છે. રિપોર્ટમાં કહેવામાં આવ્યું છે કે યુઝર્સને એપ પર ડાર્ક મોડને એકટિવેટ માટે ત્રણ ઓપ્શન મળશે.

એપ્લિકેશનની સેટિંગ્સ વિંડો પર ગયા પછી  યુઝરે થીમ્સ વિભાગમાં ત્રણ ઓપ્શનમાંથી એક પસંદ કરવો પડશે. લાઇટ થીમમાં અત્યારે છે તે  વ્હાઇટ બેકગ્રાઉન્ડ મળશે.બીજો ડાર્ક મોડ ઓપ્શન સિલેકટ કરવાથી એપમાં ડાર્ક મોડ એકટિવેટ થઇ જશે. મોડમાં યુઝર્સને ત્રીજો વિકલ્પ 'સેટ બાય બેટરી સેવર' આપવામાં આવ્યો છે, જેની મદદથી જ્યારે બેટરી ચોક્કસ ટકાએ પહોંચે ત્યારે ડાર્ક મોડ એક્ટિવ થઈ જશે.

જોકે ત્રીજો ઓપ્શન એન્ડ્રોઇડ 9.0 અને 10 ઓપરેટિંગ સિસ્ટમ ધરાવતા મોબાઇલમાં જ મળશે. નવા સ્માર્ટફોન કે જેમાં એન્ડ્રોઇડ 10 ઓએસ છે તેમાં ડાર્ક મોડ બાય ડિફોલ્ટ એકટિવેટ કરેલો હશે.વોટ્સએપ દુનિયાભરના યુઝર્સને ડાર્ક મોડનું સ્ટેબલ અપડેટ કયારે આપશે તેની કોઇ માહિતી હજુ બહાર આવી નથી. જોકે આ ફિચર વોટ્સએપના બીટા વર્ઝન 2.19.353 માં ઉપલબ્ધ છે. જો તમે બીટા વર્ઝન યુઝ નથી કરતા તો હમણા આ ફિચરનો ઉપયોગ કરી શકશો નહીં.