દુનિયાભરમા લોકપ્રિય એવી સોશિયલ મીડિયા એપ વોટસએપે ઇતિહાસ સર્જયો છે. ફેસબુકની માલિકીની આ મેસેજિંગ એપ્લિકેશન પાંચ અબજ વખત ડાઉનલોડ થઈ છે. આવી સિદ્ધિ મેળવનારી બીજી નોન-ગૂગલ એપ્લિકેશન બની છે. એક અહેવાલ મુજબ, આ આંકડો ફક્ત પ્લેસ્ટોર પરથી ડાઉનલોડ કરવામાં આવેલી એપ્લિકેશનનો નથી. પરંતુ સેમસંગ અને હુઆવેના મોબાઇલમાં પ્રી-ઇન્સ્ટોલ કરેલી વોટસએપની એપનો આંકડો પણ તેમાં સામેલ છે.
એક અહેવાલ અનુસાર દુનિયાભરમાં વોટસએપ સૌથી લોકપ્રિય મોબાઇલ મેસેંજર એપ્લિકેશન છે. તેમાં માસિક 1.6 અબજ એકટિવ યુઝર છે. ફેસબુક મેસેંજરનો નંબર આવે છે. જેના 1.3 અબજ એકટિવ યુઝર્સ છે. જયારે 1.1 અબજ એકટિવ યુઝર્સ સાથે વીચેટ ત્રીજા નંબરે છે.
વોટસએપ ફેસબુક અને યુટ્યુબ પછી તે વિશ્વભરમાં ત્રીજી સૌથી લોકપ્રિય એપ્લિકેશન છે. ગૂગલ પ્લે સ્ટોર મુજબ દક્ષિણ કોરિયામાં વોટ્સએપનો વ્યાપ સૌથી ઝડપથી વધી રહ્યો છે. વર્ષ 2019મા દક્ષિણ કોરિયામાં વોટસએપના ડાઉનલોડિંગમાં 56 ટકાનો વધારો થયો છે.
વિશ્વભરમાં પાંચ સૌથી વધુ ડાઉનલોડ કરેલી એપ્લિકેશનમાં ચાર (ઇન્સ્ટાગ્રામ, વ્હોટ્સએપ, ફેસબુક, મેસેંજર) ફેસબુકની માલિકીની છે. વર્ષ 2019માં ચીનની બાઇટ ડાન્સ કંપનીની વિડિઓ શેરિંગ એપ્લિકેશન ટિકટોક વિશ્વની બીજી સૌથી વધુ ડાઉનલોડ કરવામાં આવેલી એપ્લિકેશન બની છે.