WhatsAppએ સરકારમાં રજૂ કરેલા મંથલી કમ્પ્લાયન્સ રિપોર્ટમાં જુલાઈમાં 23.87 લાખ એકાઉન્ટ બંધ કર્યા હોવાનો ખુલાસો કર્યો છે.
WhatsAppએ રજૂ કર્યો મંથલી કમ્પ્લાયન્સ રિપોર્ટ
કહ્યું જુલાઈમાં બંધ કર્યાં 23.87 લાખ એકાઉન્ટ
યુઝરની ફરિયાદ પહેલા જ બંધ કર્યા 14 લાખથી વધારે એકાઉન્ટ
નવા આઈટી નિયમો હેઠળ સોશિયલ મેસેજિંગ એપ WhatsApp માટે દર મહિને મંથલી કમ્પ્લાયન્સ રિપોર્ટ સરકારમાં જમા કરાવવો ફરજિયાત છે. WhatsApp સરકારના આદેશનું પાલન કરીને દર મહિને મંથલી કમ્પ્લાયન્સ રિપોર્ટ જમા કરે છે. WhatsApp જુલાઈ મહિનાનો કમ્પ્લાયન્સ રિપોર્ટ જમા કરાવી દીધો છે જેમાં એવું જણાવાયું છે કે જુલાઈમાં 23.87 લાખ ભારતીય WhatsApp એકાઉન્ટ બંધ દેવાયા છે. WhatsAppએ એવું પણ કહ્યું કે તેમાં 14 લાખથી વધારે એકાઉન્ટ એવા હતા જે યુઝરની કોઈ ફરિયાદ પહેલા હટાવી દેવાયા હતા. વોટ્સએપે ગુરુવારે આ માહિતી આપતા કહ્યું કે, ચાલુ નાણાકીય વર્ષના અત્યાર સુધીના કોઈપણ મહિનામાં જુલાઈના આંકડા સૌથી વધુ છે.
WhatsAppએ કેમ બંધ કર્યાં એકાઉન્ટ
WhatsApp દ્વારા એવું જણાવાયું છે કે અમને અમારી ફરિયાદ નિવારણ સિસ્ટમ દ્વારા કરવામાં આવેલી ફરિયાદો અને ઉલ્લંઘનને આધારે એકાઉન્ટ બંધ કરવામાં આવ્યાં છે.
WhatsAppએ કયા મહિનામાં કેટલા એકાઉન્ટ બંધ કર્યાં
WhatsAppએ કયા મહિનામાં કેટલાક એકાઉન્ટ બંધ કર્યાં છે તેનો પણ ખુલાસો કર્યો છે. વોટ્સએપે તેની ફરિયાદ નિવારણ ચેનલ દ્વારા પ્રાપ્ત ફરિયાદો અને ઉલ્લંઘનના આધારે જૂન 2022માં 22 લાખ, મે મહિનામાં 19 લાખ, એપ્રિલમાં 16 લાખ અને માર્ચમાં 18.05 લાખ એકાઉન્ટ બંધ કર્યાં હતા.
WhatsApp દર મહિને રજૂ કરે છે કમ્પ્લાયન્સ રિપોર્ટ્સ
ઉલ્લેખનીય છે કે નવા આઈટી એક્ટ હેઠળ તમામ સોશિયલ મીડિયા પ્લેટફોર્મ માટે દર મહિને મંથલી કમ્પ્લાયન્સ રિપોર્ટ અનિવાર્ય છે અને તેમાં પ્રાપ્ત થયેલી ફરિયાદો અને કરવામાં આવેલી કાર્યવાહી વિશેની માહિતી સામેલ હોય છે.