સાયબર ક્રાઈમ / ચેતજો! WhatsApp પર ચાલી રહ્યો છે '50 રૂપિયા'વાળો સ્કેમ, જોતજોતામાં ખાલી થઈ જશે બૅન્ક અકાઉન્ટ

• 'Rs. 50 per like' નામક નવો સ્કેમ આવ્યો સામે 
• સ્કેમ કરતાં લોકો પહેલા મેસેજમાં લિંક મોકલે છે
• ફેસબુકના માધ્યમથી પણ લોકો સાથે થાય છે છેતરપીંડી 

WhatsApp ખૂબ જ પ્રખ્યાત ઈન્સટન્ટ મેસેજિંગ એપ હોવાના કારણે સ્કેમર્સની નજરોમાં આ એપ રહેતી હોય છે. સ્કેમ કરતા લોકો WhatsAppના માધ્યમથી લોકોની ઓનલાઈન છેતરપિંડી કરવાનાં પ્રયાસોમાં રહે છે. સ્કેમર્સ યૂઝર્સ સાથે ઘણાં પ્રકારના સ્કેમ કરવાની કોશિશ કરે છે. હવે એક નવું સ્કેમ 'Rs. 50 per like' પણ સામે આવ્યું છે. 

નોકરીના મેસેજના નામે સ્કેમ 
હાલમાં જ રિપોર્ટ સામે આવ્યો હતો કે સ્કેમર્સ લોકોને નોકરીના મેસેજ મોકલે છે. જ્યારે કોઈ તેમની પાસેથી નોકરીની જાણકારી મેળવે છે તો તે યૂટ્યુબ વિડીયો લાઈક કરવા પર પૈસા મળવાની વાત કહે છે. સ્કેમર્સ દાવો કરે છે કે યૂટ્યુબ વિડીયોને લાઈક કરીને 5000 રૂપિયા પ્રતિ દિવસ કમાઈ શકો છે.

અન્ય એપલિકેશન દ્વારા પણ ઠગે છે
માત્ર WhatsApp જ નહીં સ્કેમ કરતા લોકો લિંક્ડઇન અને ફેસબુકના માધ્યમથી પણ લોકો સાથે છેતરપીંડી કરવાની કોશિશ કરે છે. મીડિયા રિપોર્ટ્સ અનુસાર સૌથી પહેલા સ્કૈમર્સ ફેક જોબ વિશે જણાવે છે. તે કહે છે કે લિમિટેડ સ્લોટ બચ્યાં છે જો તેઓ એપ્લાય કરવા ઈચ્છતા હોય તો સ્લોટ રિઝર્વ કરાવી શકે છે. 

પેમેન્ટ ટ્રાન્સફરના નામે થાય છે ખેલ
જો કોઈ મેસેજનો જવાબ આપે છે તો સ્કેમર્સ તેને કોલ કરી જણાવે છે કે યૂટ્યૂબ વિડીયો લાઈક કરવા પર પૈસા આપવામાં આવશે. તેઓ વિશ્વાસમાં લેવા માટે થોડી રકમ શરૂઆતમાં આપે છે. યૂઝર્સનો વિશ્વાસ જીત્યા બાદ તે કહે છે કે પૈસા ટ્રાન્સફર કરવામાં મુશ્કેલી આવી રહી છે. પછી સરળતાથી પેમેન્ટ ટ્રાન્સફર કરવા માટે એક એપ ડાઉનલોડ કરાવવામાં આવે છે. આ એપની મદદથી સાઈબર ક્રિમીનલ તમામ ફાઈનાન્શિયલ માહિતી મેળવી લે છે. જેમાં પાસવર્ડ સિવાય ઓટીપી અને ઈમેલ જેવી જાણકારી પણ સામેલ છે. આ સ્કેમથી બચવુ ખૂબ જ સરળ છે. તેના માટે તમારે આ પ્રકારના મેસેજને ઇગ્નોર કરવા જોઈએ. 

સાવચેત રહો, સુરક્ષિત રહો
કોઈ અજાણ્યા નંબરથી લોટરી અથવા બીજી સ્કિમવાલા મેસેજથી સાવધાન રહો. અજાણ્યા વ્યક્તિ દ્વારા બતાવવામાં આવેલી લિંકથી કોઈ એપ્લિકેશનને ડાઉનલોડ ન કરો. જો કોઈ નોકરીના મેસેજને લઈ તમને શંકા હોય તો તમે સીધા કંપનીની ઑફિશિયલ વેબસાઇટ પર જઈ જોઈ શકો છો.