120 કરોડથી વધારે યૂઝર્સ સાથે WhatsApp હાલમાં દુનિયાની સૌથી પસંદગીની મેસેજિંગ એપ છે.
પોતાના યૂઝર્સના ચેટ એક્સપીરિયન્સને વધારે સારો બનાવવા માટે WhatsApp સમય-સમય પર અપડેટ લાવે છે. ગત થોડા વર્ષોમાં WhatsApp એપને અપગ્રેડ કરવા માટે ઝડપથી ઘણી અપડેટ્સને રોલઆઉટ કરી છે. ઘણી વખત આ અપડેટ્સને ટ્રેક કરવી મુશ્કેલરૂપ બની જાય છે. એટલા માટે અમે તમને WhatsAppના કેટલાક એવા અપડેટ્સ વિશે જણાવીશું જેના વિશે કદાચ તમે ના જાણતા હોવ...
- ગ્રુપ ચેટ્સ માટે WhatsAppએ ગ્રુપ કૉલ બટન ઇન્ટ્રોડ્યૂસ કર્યુ છે. આ ફિચરની મદદથી ગ્રુપમાં ઉપર આપવામાં આવેલા ફોન રિસીવરવાળા આઇકૉન પર ટેપ કરીને કોન્ટેક્ટ્સને સિલેક્ટ કરી શકો છો.
- ગ્રુપ ઇન્વિટેશન ફિચર લોકો માટે ખૂબ જ ફાયદારૂપ સાબિત થયુ છે જે લોકો ઘણી વખત અજાણ્યા ગ્રુપમાં એડ થઇ જવાથી પરેશાન થયા હોય. હવે યૂઝર્સની પ્રાઇવસી સેટિંગમાં જઇને તમે પંસદ કરી શકશો કે તેમને કોણ એડ કરી શકે છે.
- કોન્ઝિક્યૂટિવ વૉઇસ મેસેજની અપડેટ આવવાથી યૂઝર્સને એક-એક કરીને વૉઇસ મેસેજીસ પ્લે કરવાની સમસ્યામાંથી છૂટકારો મળી ગયો છે. હવે ચેટમાં પણ આવા મેસેજીસ એક પછી એક ઑટોમેટકલી પ્લે થશે. હાલમાં આ ફિચર માત્ર iOS માટે જારી કરવામાં આવ્યુ છે.
- હાલમાં WhatsAppએ પ્રોફાઇલ પિક્ચર કોપી કરવાની, ફોનની ગેલેરીમાં સેવ કરવાની અથવા તો શૅર કરવા પર પ્રતિબંધ લગાવી દીધો છે. WhatsAppની આ અપડેટ હાલમાં બીટા યૂઝર્સને મળી રહી છે. જોકે ગ્રુપ્સ માટે WhatsAppનું આ ફિચર ઉપલબ્ધ છે એટલે કે ગ્રુપ્સ આઇકન સેવ અથવા તો શૅર કરી શકાય છે.
- WhatsAppના ફોર્વર્ડિગ ઇન્ફો એન્ડ ફ્રિક્વન્ટલી ફોરવર્ડ ફિચર ફેક ન્યૂઝને રોકવા માટે ઇન્ટ્રોડ્યૂસ કરવામાં આવ્યુ છે જોકે કોઇ મેસેજ વારંવાર ફોર્વર્ડ કરવામાં આવે તો તેના પર ફ્રિક્વેન્ટલી ફોર્વર્ડને લેબલ લાગી જશે. આ સાથે જ ફિચરથી યૂઝર્સ પણ જાણી શકશે કેટલી વખત આ મેસેજ ફોર્વર્ડ થઇ ગયો છે