લોકસભા ચૂંટણીને લઇ મોટાભાગના પ્રી-પોલ સર્વેમાં ફરીવાર NDA સરકાર દેખાઈ રહી છે. તેને સ્પષ્ટ બહુમતિ મળે તેવા રિપોર્ટ સામે આવી રહ્યા છે. પરંતુ કેટલાંક વિસ્તારોમાં ત્રિશંકુ સંસદ બને તેવા પણ અનુમાન લગાવાઈ રહ્યા છે. જો ત્રિશંકુ સરકાર રચવાની થાય તો કઈ કઈ પાર્ટીઓ કિંગ મેકર સાબિત થઈ શકે છે.
લોકસભા ચૂંટણીને લઇ મોટાભાગના પ્રી-પોલ સર્વેમાં ફરીવાર NDA સરકાર દેખાઈ રહી છે. તેને સ્પષ્ટ બહુમતિ મળે તેવા રિપોર્ટ સામે આવી રહ્યા છે. પરંતુ કેટલાંક વિસ્તારોમાં ત્રિશંકુ સંસદ બને તેવા પણ અનુમાન લગાવાઈ રહ્યા છે. જો ત્રિશંકુ સરકાર રચવાની થાય તો કઈ કઈ પાર્ટીઓ કિંગ મેકર સાબિત થઈ શકે છે.
લોકસભા ચૂંટણીની તડામાર તૈયારીઓ ચાલી રહી છે. ત્યારે ફરીથી એનડીએ સરકારની ભવિષ્યવાણી કરાઈ રહી છે. પરંતુ કેટલાંક સર્વેમાં ત્રિશંકુ સંસદનું પણ અનુમાન વ્યકત કરાઈ રહ્યું છે. તેને ધ્યાને રાખતા આંધ્રપ્રદેશ અને તેલંગાણાની સ્થાનિક તેલુગુ પાર્ટીઓ એટલે કે, TDP, TRS, YSR કોંગ્રેસ કેન્દ્રમાં કિંગમેકરની ભૂમિકામાં ભજવી શકે છે. હવે આ પાર્ટીઓને લાગે છે કે 2019મા કેન્દ્રમાં કિંગમેકરની ભૂમિકામાં હશે અને તેનાથી સ્થાનિક સ્તર પર તેમની પરસ્પર પ્રતિસ્પર્ધા વધુ તેજ થઇ છે. આંધ્રપ્રદેશમાં વિધાનસભા અને લોકસભા ચૂંટણી બંને ચૂંટણી લડવાના છે.
તો તેલંગાણામાં લોકસભા ચૂંટણી છે. બંને પ્રદેશોમાં કુલ મળીને 42 લોકસભા બેઠકો, આંધ્રમાં 25 અને તેલંગાણામાં 17 છે. આ સિવાય કેન્દ્રમાં પોતાની ભૂમિકાને જોતા ટીડીપી, ટીઆરએસ અને વાઇએસઆર કોંગ્રેસ પહેલાં જ નાની-મોટી કેટલીય પાર્ટીઓની સાથે ગઠબંધનમાં છે. 1996-98ની ચૂંટણીમાં ટીડીપી પ્રમુખ ચંદ્રબાબુ નાયડુ કિંગમેકરની ભૂમિકા નિભાવી ચુક્યા છે.
કોંગ્રેસ અને ભાજપ જેવી રાષ્ટ્રીય પાર્ટીઓની સામે ત્યારે થર્ડ ફ્રન્ટે અગત્યની ભૂમિકા નિભાવતા સરકાર બનાવી હતી. વીપી સિંહ પ્રધાનમંત્રી બન્યા હતા અને થર્ડ ફ્રન્ટમાં કેટલીય ક્ષેત્રીય પાર્ટીઓ સામેલ હતી જેમાં ટીડીપીની ભૂમિકા અગત્યની રહી હતી. એટલું જ નહીં 1999ની સામાન્ય ચૂંટણીમાં પણ જ્યારે NDAના સહયોગની જરૂર હતી તો ટીડીપી ફરીથી અગત્યની ભૂમિકામાં રહ્યા હતા.
રાજકીય વિશ્લેષ્કોનું કહેવું છે કે, હવે એ સમય રહ્યો નથી જ્યારે કેન્દ્રમાં ટીડીપી એક અગત્યની ભૂમિકા નિભાવતી હતી. હવે કેટલીય એવી ક્ષેત્રીય પાર્ટીઓ છે જેમની પાસે લોકસભા સભ્યોની સંખ્યા પણ વધુ છે અને કેન્દ્રના સ્તર પર તેમની મજબૂત ઉપસ્થિતિ રહે છે.
ટીઆરએસ પ્રમુખ કે.ચંદ્રશેખર રાવે થોડાંક જ દિવસ પહેલાં એન્ટી ભાજપ-એન્ટી કોંગ્રેસ ફ્રન્ટ તૈયાર કરી પોતે આ ટીમનું નેતૃત્વ કરવાની ઇચ્છા વ્યક્ત કરી હતી. હજુ પણ ટીઆરએસને આશા છે કે, લોકસભા ચૂંટણીમાં રાષ્ટ્રીય પાર્ટીઓને ઓછી બેઠકો મળી તો તેઓ કિંગમેકરની ભૂમિકામાં હશે.
બીજીબાજુ YSR કોંગ્રેસે પહેલાં જ આ વાતની જાહેરાત કરી દીધી કે, તેઓ આ ગઠબંધનની સાથે સરકારમાં સામેલ થશે જે આંધ્રપ્રદેશને વિશેષ રાજ્યનો દરજ્જો આપે. હાલ વર્તમાન લોકસભાની વાત કરીએ તો આંધ્રમાં ટીડીપીના 15 સાંસદ છે. બીજીબાજુ YSR કોંગ્રેસ પાસે 8 સાંસદ છે. ત્યાં આ રાજ્યમાં ભાજપ પાસે માત્ર 2 સાંસદ છે. તેલંગાણાની વાત કરીએ તો TRS પાસે 14, ભાજપ અને એઆઇએમઆઇએમ પાસે 1 બેઠક છે. આમ આગામી લોકસભામાં આ પ્રાદેશિક પક્ષો મહત્વની ભૂમિક ભજવી શકે છે.