બોલિવૂડ અભિનેત્રી અનુષ્કા શર્માએ દીકરીને જન્મ આપ્યો છે. આ ખુશખબરી સોમવારે પિતા બનેલ વિરાટ કોહલીએ જાતે આપી છે. તે બાદ સતત બંનેને અભિનંદનના મેસેજ આવી રહ્યાં છે. દીકરીના જન્મ બાદ ફેન્સ જાણવા ઉતાવળા બન્યા છે કે બંને તેમની દીકરીનું નામ શું રાખશે.
વિરાટ-અનુષ્કા શું રાખશે દીકરીનું નામ
ટ્વિટ કરીને વિરાટે આપી હતી જાણકારી
ઓગસ્ટમાં આપી હતી ગર્ભાવસ્થાની જાણકારી
સૂત્રોનું જો માનીએ તો કપલ પોતાની દીકરીનું નામ અનવી રાખવાનું વિચારે છે. આ નામ વિરાટ અને અનુષ્કાના નામને જોડીને બનાવવામાં આવ્યું છે. અનવી નામનો અર્થ પણ ખુબ સુંદર થાય છે.
અનવી હિંદુ ધર્મનું એક નામ છે જે ખુબ જ શુભ માનવામાં આવે છે. દેવી લક્ષ્મીને આ નામથી સંબોધવામાં આવે છે. આ કપલના ઘરમાં લક્ષ્મી આવી ગઇ તો નામ પણ એવું જ હોવું જોઇએ.
કોહલીએ આપી ટ્વિટ કરીને જાણકારી
વિરાટે કહ્યું કે, અમને બંનેને જણાવતા ખુશી થાય છે કે આજે બપોરે અમારા ઘરે દીકરી આવી છે. અમે તમારા પ્રેમ અને મંગળકામનાઓ માટે દિલથી આભારી છીએ. અનુષ્કા અને અમારી દીકરી બંને સ્વસ્થ છે અને અમારુ આ સૌભાગ્ય છે કે અમને જીવનનું આ ચેપ્ટર અનુભવ કરવા મળ્યું. અમે જાણીએ છીએ કે આ સમયે અમને થોડી પ્રાઇવસીની જરૂર હશે. સ્નેહ વિરાટ
વિરાટ અને અનુષ્કાએ તેઓ માતા પિતા બનવાના છે તે વાતની જાણકારી ઓગસ્ટ 2020માં આપી હતી અને ઇન્સ્ટાગ્રામ પર લખ્યુ હતું કે, “And then, we were three! Arriving Jan 2021.”
અનુષ્કા અને વિરાટની દીકરીનો જન્મ મુંબઇના એક પ્રાઇવેટ હોસ્પિટલમાં થયો છે. કોહલી અને અનુષ્કાના લગ્ન 2018માં થયા હતા. 27 ઓગસ્ટે સોશ્યલ મિડીયા પર આ વાતની જાણકારી આપી હતી.
આ વાતથી કોહલી અને અનુષ્કાના ફેન્સમાં ખુશીની લહેર છવાઇ ગઇ છે. લોકો વિરાટ અને અનુષ્કાને કોન્ગ્રેચ્યુલેશન્સ કહી રહ્યાં છે. દીકરીના જન્મ પહેલા અનુષ્કા અને વિરાટ રેગ્યુલર ચેક-અપ માટે સાથે દેખાતા હતા. ટેસ્ટ ક્રિકેટમાંથી પણ વિરાટે પેટરનીટિ લીવ લીધી હતી.