ટિપ્સ / કારની ખરીદી કરતી વખતે રાખો આટલુ ધ્યાન, લાખો રૂપિયાની થશે બચત, જાણો કેવી રીતે

• કારના ફીચર્સ જેટલા દમદાર તેટલી જ કિંમત વધારે
• કાર ખરીદતી વખતે રાખો આટલુ ધ્યાન
• કારની કિંમતમાં થશે ઘટાડો

છેલ્લા કેટલાક સમયથી ઓટો ઇન્ડસ્ટ્રીઝે ઘણી આગળ આવી છે. હાઇટેક ફીચર્સ  ગાડીઓમાં જોવા મળી રહ્યા છે પરિણામે ગાડીઓની કિંમતમાં પણ વધારો થયો છે. તેવામાં આજે એવા કેટલાક ફીચર્સ પર ધ્યાન આપીશું કે જે ગાડીમાં ન હોય તો પણ ગાડી ચલાવવાનો આનંદ મેળવી શકાય છે.  ગાડી ખરીદતી વખતે આ ફીચર્સનું રાખો ધ્યાન અને બચાવો લાખો રૂપિયા 

સન રૂફ

નવી આધુનિક કારોમાં સનરૂફ એક એવી સુવિધા છે, જેના કારણે કારની કિંમત ઓછામાં ઓછા એક લાખ રૂપિયા વધી જાય છે. જ્યારે, તેનો ઉપયોગ પ્રસંગોપાત જ થાય છે. ક્યારેક ગાડીની છત પરથી બહાર નીકળીને ફોટો પડાવવા સિવાય કોઈ ફાયદો થતો નથી. આને ટાળીને, તમે ઘણા પૈસા બચાવી શકો છો.

ટચસ્ક્રીન ઓડિયો અને એસી કંટ્રોલ સિસ્ટમ

ટચસ્ક્રીન ઓડિયો અને એસી કંટ્રોલ સિસ્ટમ કારને અંદરથી પ્રીમિયમ ટચ આપવામાં મદદ કરે છે. આ ડેશબોર્ડને નવીનતા આપે છે. આ સિવાય તેનો કોઈ ખાસ ઉપયોગ થતો નથી. તમે ટચસ્ક્રીન વડે જે કરી શકો છો, તે કામ તમે બટન અથવા સ્વીચની મદદથી પણ કરી શકો છો. ટચસ્ક્રીન સિસ્ટમ રાખવાથી કારની કિંમત વધી જાય છે.

સેટેલાઇટ નેવિગેશન

ઘણી કારમાં સેટેલાઇટ નેવિગેશન ફીચર આવવાનું શરૂ થઈ ગયું છે, જેના કારણે કારની કિંમત વધુ વધી રહી છે. જો કે, મોટાભાગની કારમાં સેટેલાઇટ નેવિગેશન બહુ સારી રીતે કામ કરતું નથી, તે એકદમ ધીમું છે. દરરોજ તેને અપડેટ કરવું મુશ્કેલ છે. જ્યારે   Apple CarPlay અને Android Auto દ્વારા નેવિગેશન સરળતાથી કરી શકાય છે, જે એક સસ્તું ફીચર છે. 

ઇલેક્ટ્રોનિક પાર્કિંગ બ્રેક

ઈલેક્ટ્રોનિક પાર્કિંગ બ્રેકમાં તમે બટન અથવા સ્વીચની મદદથી પાર્કિંગ બ્રેક લગાવી શકો છો, જ્યારે સામાન્ય પાર્કિંગ બ્રેકમાં તમને પાર્કિંગ બ્રેક હેન્ડલ મળે છે, જે બ્રેક લગાવવા માટે ખેંચાય છે. ઈલેક્ટ્રોનિક પાર્કિંગ બ્રેક ફીચર્સની હાજરી કારની કિંમતમાં વધારો કરે છે.