શું યશરાજ ફિલ્મ્સમાં ફરીથી કામ કરશે શાહરૂખ ખાન?

બોલીવુડનો બાદશાહ એટલે કે શાહરૂખ ખાને પોતાના અભિનયથી દરેક ફિલ્મમાં ચાહકોનું દિલ જીતી લીધું છે. મળતી માહિતી મુજબ અઢળક હિટ ફિલ્મો આપનાર બોલીવુડ બાદશાહ ફરી એક વાર યશરાજ ફિલ્મ સાથે કામ કરશે. આદિત્ય ચોપરાએ તેને એક ફિલ્મ માટે ફાઇનલ કર્યો છે. 



આદિત્ય ચોપરા 'ધૂમ 4' ઉપરાંત ઐતિહાસિક યોદ્ધા પર પણ એક ફિલ્મ બનાવવાનું વિચારી રહ્યો છે. જોકે શાહરૂખ કઇ ફિલ્મ હશે તેની ચોખવટ હજી કરવામાં આવી નથી. 

શાહરૂખ ખાને યશરાજ ફિલ્મસના કેમ્પમાં ફિલ્મ 'ડર'થી એન્ટ્રી લીધી હતી. આ ફિલ્મથી શરૂઆત કરીને ફેન સુધી તેમની સાથે 10 ફિલ્મોમાં કામ કર્યું છે. હવે આદિત્ય તેની સાથે 'ધૂમ 4' કરાવા ઇચ્છે છે કે પછી એક ઐતિહાસિક ફિલ્મ તેની સ્પષ્ટતા હજુ કરવામાં આવી નથી. 



અગાઉ ભૂતકાળમાં શાહરૂખે રાજા અશોકની ફિલ્મમાં મુખ્ય ભૂમિકા ભજવી હતી. એક સમયે આદિત્ય ચોપરાએ કહ્યું હતું કે તે પોતાની ધૂમ સિરીઝ દરેક ખાન સાથે બનાવવા ઇચ્છે છે. જેથી લોકો એમ પણ વિચારી રહ્યા છે કે આદિત્ય ફિલ્મ 'ધૂમ 4' શાહરૂખ સાથે બનાવશે અને પછી ધૂમ પાંચ સલમાન ખાન સાથે કરશે.