મહામારી / કોરોનાથી કેવી રીતે બચવું, ડરવાની જરુર નથી, આટલી વાતોનું ધ્યાન રાખજો, દેશના 3 ડોક્ટરોએ આપી સલાહ

• ડો.નરેશ ત્રેહન,  ડો.દેવી શેટ્ટી, ડો.રણદીપ ગુલેરિયા કોરોના પર આપી અમૂલ્ય સલાહ
• કોરોનાના 85 ટકા દર્દીઓ રેમડેસિવિર વગર સાજા થઈ જાય છે
• રેમડેસિવિર કોઈ રામબાણ ઈલાજ નથી
• રેમડેસિવિર વગર પણ દર્દીઓ સાજા થઈ જાય છે.

કોરોનાના 85 ટકા દર્દીઓ રેમડેસિવિર વગર સાજા થઈ જાય છે

રણદીપ ગુલેરિયાએ જણાવ્યું કે કોરોનાના 85 ટકા દર્દીઓ તો કોઈ પણ જાતની સારવાર વગર જ સાજા થઈ જાય છે.તેમણે કહ્યું કે કોરોનાના મોટાભાગના દર્દીઓ 5-7 દિવસની અંદર જ ઘેર જ સાજા થઈ જાય છે. ઓક્સિજન એક ઉપચાર છે, દવાની જેમ. સલાહ વગર ઓક્સિજન લઈ લેવાથી ફાયદો થશે તે માનવું ભુલભરેલું છે.

બધા લોકોને ઓક્સિજનની જરુર પડતી નથી- મેદાંતના ડોક્ટર નરેશ ત્રેહન 

મેદાંતના ચેરમેન ડો.નરેશ ત્રેહને જણાવ્યું કે જો આપણે વિવેકપૂર્ણ રીતે ઉપયોગ કરીએ તો આજે આપણી પાસે ઘણો ઓક્સિજન હોઈ શકે. હું લોકોને કહેવા માંગું છું કે જો તમારે ઓક્સિજનની જરુર ન હોય તો સુરક્ષા માટે તેનો ઉપયોગ ન કરો જેથી કરીને જરુરીયાતમંદ લોકોને મળી શકે. અમે એક પ્રોટોકોલ બનાવ્યો છે કે રેમડેસિવિર તમામ પોઝિટીવ દર્દીઓને આપવાની જરુર નથી. દર્દીઓના ટેસ્ટ રિઝલ્ટ, લક્ષણ, ગંભીર બીમારી જોયા બાદ ડોક્ટર દ્વારા આપવામાં આવશે. રેમડેસિવિર કોઈ રામબાણ ઉપાય નથી.  બધા લોકોએ હોસ્પિટલમાં ભરતી થવાની જરુર નથી. હોસ્પિટલોની બેડનો ઉપયોગ વિવેકપૂર્ણ અને જવાબદારીપૂર્વક કરવો જોઈએ. આ જવાબદારી આપણા બધાની છે. તેમણે કહ્યું કે રેમડેસિવિર કોઈ રામબાણ ઈલાજ નથી. રેમડેસિવિર વગર પણ દર્દીઓ સાજા થઈ જાય છે.

આટલું કરશો તો કોરોનાથી ઝડપથી સાજા થઈ જશો 

ડોક્ટર શેટ્ટીએ જણાવ્યું કે જો તમને શરીરમાં દુખાવો, ખાંસી, અપચો, ઉલટી જેવા લક્ષણો હોય તો મારુ તમને સૂચન છે કે કોવિડ ટેસ્ટ કરાવો. અને જો તમારો ટેસ્ટ પોઝિટીવ આવે તો ગભરાવાની જરુર નથી. તમે ઘેર એકાંતવાસ સેવીને, માસ્ક પહેરીને કોરોનામાંથી બેઠા થઈ શકો છો. જો તમારુ ઓ2 સેચ્યુરેશન 94 ટકાથી ઉપર હોય તો કોઈ વાંધો નથી. પરંતુ એક્સરસાઈઝ પછી આમાં ઘટાડો થાય તો તમારે ડોક્ટર પાસે જવું જોઈએ. તમે સમયસર સારવાર કરાવો તે ઘણુ જરુરી છે. 

શરુઆતમાં સારવાર કરાવો તો બીમારી ગંભીર નહીં બને-ડો.શેટ્ટી 
નારાયણા હોસ્પિટલના ચેરમેન ડો.દેવી શેટ્ટીએ જણાવ્યું કે કોવિડ પોઝિટીવ આવે તો શરુઆતમાં જ સારવાર કરાવી લો. બીમારી ગંભીર નહી થાય. પોઝિટીવ હોય તો ડોક્ટરની સલાહ લો.ડરવાની જરુર નથી.