કામની વાત / MMS કે વિડીયો સોશ્યલ મીડીયા પર લીક થઈ જાય તો શું કરવું? આ રીતે કરાવી શકો છો ડિલીટ

• વીડિયો લીક થયા પછી  સોશિયલ મીડિયા અથવા પોર્ન વેબસાઇટ પરથી હટાવી શકાય 
• વિડીયોને દરેક જગ્યા પરથી હટાવવા માટે કેટલાક સ્ટેપ્સ ફોલો કરવા પડશે
• ગૂગલ સર્ચ રિઝલ્ટમાંથી પણ આવા આપત્તિજનક અથવા લીક થયેલા વીડિયોને પણ હટાવી શકો છો

હાલ મોહાલીની પ્રાઈવેટ યુનિવર્સિટીના વિદ્યાર્થીઓના વીડિયો લીક થવાની ચર્ચા બધી જગ્યાઓ પર ચાલી રહી છે. તેમાં એવો દાવો કરવામાં આવી રહ્યો છે કે હોસ્ટેલની એક યુવતીએ વિદ્યાર્થિનીઓ નહાતી હોવાનો વીડિયો બનાવીને મિત્ર સાથે શેર કર્યો હતો અને તેને સોશિયલ મીડિયા પર મૂક્યો હતો. આવા કિસ્સામાં એવું જોવા મળે છે કે આવો વીડિયો લીક થયા પછી એ વિડીયો ઘણા બીજા ઘણા પ્લેટફોર્મ અને વેબસાઈટ પર અપલોડ કરી દેવામાં આવે છે અને એટલા માટે આવા વીડિયો સોશિયલ મીડિયા પર ખૂબ જ ઝડપથી વાયરલ થવા લાગે છે. પણ શું તમે જાણો છો કે જો આવો વીડિયો ભૂલથી લીક થઈ જાય છે તો એવી સ્થિતિમાં તમે તેને સોશિયલ મીડિયા અથવા કોઈપણ પોર્ન વેબસાઇટ પરથી હટાવી શકો છો. 

ભૂલથી લીક થયેલ વિડીયોને દરેક જગ્યા પરથી હટાવવા માટે કેટલાક સ્ટેપ્સ ફોલો કરવા પડશે અને અમે તમને આજે એ વિશે જણાવવા જઈ રહ્યા છીએ. 

-  વિડીયો લીક થઈને વાયરલ થવા લાગે એ સાથે જ સૌથી પહેલા પોલીસ સ્ટેશન જઈને ફરિયાદ કરવી પડે. જો કે આ પ્રોસેસ પૂર્ણ થવામાં ઘણો સમય લાગે છે અને આવી પરિસ્થિતિમાં વીડિયો ઝડપથી વાયરલ થવાની સંભાવનાઓ વધી જાય છે.

- જો તમારો વિડિયો કોઈપણ વેબસાઈટ પર લીક થયો હોય તો એવા કિસ્સામાંતમે તે વેબસાઇટના માલિકનો સંપર્ક કરીને તમારો વિડિઓ ત્યાંથી ડિલીટ કરાવી શકો છો. વેબસાઇટના માલિક વિશે જાણવા માટે થર્ડ પાર્ટી વેબસાઇટની મદદ પણ લઈ શકાય છે. 

- આ માટે થર્ડ પાર્ટી વેબસાઇટ પર વિડીયો હોય એ વેબસાઇટનું ડોમેન નામ દાખલ કરીને તેના માલિક વિશે જાણકારી મેળવી શકો છો. ઇન્ટરનેટ પર ઘણી થર્ડ પાર્ટી વેબસાઇટ છે, જ્યાં ડોમેનનું નામ દાખલ કર્યા પછી વેબસાઇટના માલિકની સંપૂર્ણ માહિતી મળી રહે છે. 

- આ સાથે જ તમે ગૂગલ સર્ચ રિઝલ્ટમાંથી પણ આવા આપત્તિજનક અથવા લીક થયેલા વીડિયોને પણ હટાવી શકો છો. એ માટે https://support.google.com/websearch/troubleshooter/3111061#ts=2889054%2C2889099%2C288910This વેબસાઇટ પર જઈ શકો છો. 

- આ સિવાય ગૂગલની વેબસાઈટ https://support.google.com/blogger/contact/private_info પર જઈનેઆપત્તિજનક અથવા લીક થયેલા વીડિયો, ફોટો કે બ્લોગને પણ હટાવી શકો છો. સાથે જ આવી સ્થિતિમાં તમે પોલીસની મદદ લઈને તેને ત્યાંથી વીડિયો હટાવી શકો છો.