વધશે મુશ્કેલી / અલર્ટ! 31 ડિસેમ્બર તો ગઈ, હજુ નથી ભર્યું ITR? જેલ જવાથી બચવું હોય તો આજે જ કરો આ કામ

• 31 ડિસેમ્બર 2021 સુધી ભર્યુ નથી ITR?
• ઈ-ફાઈલિંગ પોર્ટલ પર 5.89 કરોડ આવકવેરા રિટર્ન ફાઈલ કરાયા
• જેલ ના જવુ હોય તો અત્યારે જ કરો આ જરૂરી કામ

હવે કરદાતાઓ પાસે ITR ફાઈલ કરવા માટે 31 માર્ચ સુધીનો સમય

જે લોકો આ તારીખ સુધી પોતાનું ITR દાખલ કરી શક્યા નથી. તેમણે હવે શું કરવાનું રહેશે? તો આ અંગે અમે તમને જણાવીએ. જો તમે 31 ડિસેમ્બર 2021 સુધી પોતાનું ITR ફાઈલ કરી શક્યા નથી તો હવે તમારી પાસે 31 માર્ચ સુધીનો સમય છે. પરંતુ તેના માટે તમારે દંડ ભરવો પડશે. જો ITR ફાઈલ કરવામાં મોડુ કરશો તો તેના માટે પેનલ્ટી ફી પણ ચૂકવવી પડે છે. ટેક્સ નિષ્ણાંતે જણાવ્યું કે, જો તમારી આવક પાંચ લાખથી વધુ છે, તો તમારે પોતાનું આઈટીઆર ફાઈલ કરતી વખતે ફરજીયાત 5 હજાર રૂપિયાની પેનલ્ટી ફી આપવી પડશે અને જો 5 લાખથી ઓછી આવક છે, તો આ પેનલ્ટી ફી એક હજાર રૂપિયા હશે. 

31 માર્ચ 2022 સુધી પોતાનુ ITR નહીં ભરો તો મુશ્કેલી વધશે

ટેક્સ નિષ્ણાંતના જણાવ્યાં મુજબ, જો તમે 31 માર્ચ 2022 સુધી પણ પોતાનું ITR ફાઈલ નથી કરતા તો મુશ્કેલી વધારે વધશે. તેમણે જણાવ્યું કે 31 માર્ચ 2022 સુધી પણ ITR ભરશો તો આવકવેરા વિભાગ તમારા પર એ ટેક્સના 50 ટકા સુધીનો દંડ ફટકારી શકે છે, જે તમે ITR ના ભરી છુપાવવા અને બચાવવા માંગો છો. આ સિવાય તમને જેલ પણ થઇ શકે છે. તેમણે કહ્યું કે આ સ્થિતિમાં ખૂબ જ ઓછા લોકો જાણે છે કે સરકારની પાસે તમારી વિરુદ્ધ કેસ ચલાવવાનો અધિકાર છે અને જો તમે નક્કી કરેલી તારીખ સુધી પોતાનુ આઈટીઆર ફાઈલ નથી કરતા તો તમને જેલ પણ થઇ શકે છે.