તમારા કામનું / ભૂકંપ આવે ત્યારે બેબાકળા થયા વગર કરો આટલું કામ, જીવ બચાવવામાં થશે મદદ: જાણો સરકારની ગાઈડલાઇન

• ગુજરાત સહિત દિલ્હીમાં અનુભવાયા આંચકા
• ધરતીકંપ દરમિયાન ધ્યાનમાં રાખવી કેટલીક બાબત
• ભૂકંપની સ્થિતિ પહેલા પણ ચેક કરવી લેવી બિલ્ડિંગની સ્થિતિ

ગઈકાલ રાતથી ગુજરાત સહિત દિલ્હીનાં કેટલાક વિસ્તારોમાં ભૂકંપનાં આંચકાઓનો અનુભવ થઈ રહ્યો છે. હાલમાં જ તૂર્કી-સીરિયામાં પ્રચંડ વિનાશક ભૂકંપે લોકોનો જીવ લીધો છે ત્યારે આપણે પણ ભૂકંપની ઘટના સામે લડવા માટે તૈયાર રહેવું આવશ્યક છે.

ભૂકંપ પહેલા આ બાબતોનું રાખજો ધ્યાન:

1. ભૂકંપ-પ્રતિરોધક બિલ્ડિંગનાં બાંધકામ માટે સુરક્ષિત બિલ્ડિંગ કોડની હિમાયત કરો.
2. નબળું બાંધકામ અપગ્રેડ કરવાની હિમાયત કરો.
3. ઈમરજન્સીનો સામનો કરવા માટે તૈયાર રહો અને એક પ્લાન બનાવો.
4. તમારી સોસાયટીનાં એરિયામાં મેડિકલ સેન્ટર્સ, ફાયર ફાયટિંગ સ્ટેશન અને બચાવ મોક ડ્રીલનું આયોજન કરો.
5. તમારા ઘરમાં ઈલેક્ટ્રિક અને પાણી ક્યાંથી બંધ થાય છે તે જાણી લો.
6. ભારે વસ્તુઓ, ગ્લાસ કે કટલેરી નીચેના ખાનામાં ગોઠવવા.
7. ફ્લાવર પોટને પેરાપેટ પર ન ગોઠવો.

ભૂકંપ દરમિયાન શું કરવું?

1. શાંત રહો અને અન્યોને આશ્વાસન આપવું.
2. ઘટના દરમિયાન, સૌથી સુરક્ષિત સ્થળ હોય છે ખુલ્લું મેદાન કે જે બિલ્ડિંગ કે મકાનોથી દુર હોય.
3. જો તમે બિલ્ડિંગ કે મકાનની અંદર છો તો ટેબલ, પલંગ વગેરેની નીચે પોતને કવર કરો. ગ્લાસનાં દરવાજા, બારી કે કાચથી દૂર રહો. નાસભાગથી બચવા ઊતાવળમાં બહાર નીકળાનું ટાળવું.
4. જો તમે બહાર જ છો તો બિલ્ડિંગ કે વાયરથી દૂર જતાં રહો.
5. જ્યાં સુધી કંપન શાંત ન થાય ત્યાં સુધી ખુલ્લામાં જ રહો.
6. તમામ પ્રાણીઓને ખુલ્લા મૂકો જેથી તે બહાર ભાગી શકે.
7. કેન્ડલ, માચિસ કે અન્ય જ્વલિત પદાર્થોનો ઉપયોગ ન કરવો.

ધરતીકંપ પછી શું કરશો?

1. પીવાનાં પાણીનો પૂરતો જથ્થો સાચવો, ખાવાની સામગ્રી અને પ્રાથમિક સારવારની વસ્તુઓની સાચવણી કરો.
2. અફવાઓ ન માનો અને ન ફેલાવો.
3. અન્યોને મદદ કરો અને આત્મવિશ્વાસ વધારો.
4. ઘાયલ લોકોને મદદ કરો, તેમને પ્રાથમિક સારવાર આપો અને શક્ય હોય તેટલું કામ કરો. 
5. લેટેસ્ટ સમાચાર મેળવવા માટે તમારા ટીવી કે રેડિયોને ચાલુ રાખો.
6. આફ્ટરશોક્સ માટે પણ તૈયાર રહો.
7. રસોઈગેસ જો ચાલુ હોય તો તેને બંધ રાખો. અગ્નિનો ઉપયોગ ટાળો.
8. PVE વાયરને અડશો નહીં. જો પાણીનાં પાઈપમાં લીકેજ હોય તો મેઈન લાઈન બંધ કરવી