બ્રુનેઈના સુલતાન હસનલ બોલ્કિયાની પુત્રી રાજકુમારી ફાદઝિલાના લગ્ન દુનિયાભરમાં ચર્ચાનું કેન્દ્રબિંદુ બન્યા છે. રાજકુમારી ફાદઝિલાના લગ્નનો સમારોહ એક- દિવસ નહીં પરંતુ પુરા સાત દિવસ સુધી ચાલ્યો હતો. દુનિયાના બીજા સૌથી અમીર શાસક હોવાને કારણે સુલતાન બોલ્કિયાની પુત્રીના લગ્ન ખૂબ ભવ્ય રીતે આયોજિત કરાયા હતા. લગ્ન દરમિયાન બ્રુનેઈની આ શાહી જોડીએ એક ચડિયાતા એક ડ્રેસ પહેર્યા હતા કેટલાક ડ્રેસ તો હાંથીદાતથી બનાવાયા હતા.
7 દિવસ સુધી ચાલ્યો લગ્નનો સમારોહ
રાજકુમારી ફાદઝિલા બ્રુનેઈના પ્રિન્સ મતીનની મોટી બહેન છે. તેમને સ્પોર્ટી પ્રિન્સેસ નામથી પણ ઓળખાય છે. રાજકુમારી ફાદઝીલા બ્રુનેઈની રાષ્ટ્રીય નેટબોલની ટીમની કેપ્ટન છે. તેણે બ્રિટનની કિંગ્સ્ટન યુનિવર્સિટીમાંથી ઈન્ટરનેશનલ સ્ટડીમાં ગ્રેજ્યુએશન અને હલ્ટ ઈન્ટરનેશલ બિઝનેશ સ્કૂલમાંથી બિઝનેશ એડમિનિસ્ટ્રેશનમા માસ્ટર ડિગ્રી મેળવી છે. રાજકુમારીએ 7 દિવસીય લગ્ન સમારોહમાં પૂરી શાનો શૌકત અને ઈસ્લામિક રીતિ રિવાજો અનુસાર લગ્ન કર્યા હતા.
લગ્ન બ્રુનેઈના રોયલ પેલેસમાં યોજાયા હતા
આ લગ્ન બ્રુનેઈના રાજાના મહેલ ઈસ્તાના નુરુલ ઈમાનમાં યોજાયા હતા. ઈસ્તાના નુરુલ ઈમાન વિશ્વના સૌથી મોટા શાહી મહેલોમાંથી એક છે. આ મહેલમાં 1700 થી વધુ રૂમ છે. આ મહેલમાં બ્રુનેઈના સુલતાન હસનલ બોલ્કિયાનું સત્તાવાર નિવાસસ્થાન પણ છે. બ્રુનેઈની રાજકુમારીના લગ્નની જાહેરાત ગયા વર્ષે ડિસેમ્બરમાં કરવામાં આવી હતી. બ્રુનેઈના શાહી પરિવારે આ લગ્ન પૂરા ગૌરવ અને ઈસ્લામિક રીત-રિવાજો સાથે કર્યા હતા.
રાજકુમારીના ડ્રેસની દુનિયામાં ચર્ચા
અઠવાડિયા સુધી ચાલેલા આ લગ્ન દરમિયાન, પ્રિન્સેસ ફદઝિલા ઘણા અલગ-અલગ ડ્રેસમાં જોવા મળી હતી. આમાં સૌથી ખાસ હતો હાથીદાંતનો બનેલો ડ્રેસ. જ્વેલરી વેબસાઇટ ટિયારા મેનિયા અનુસાર, રાજકુમારીએ તેના ડ્રેસને લાંબા બુરખા અને અદભૂત હીરા મુગટ સાથે જોડી દીધા હતા. રાજકુમારી સાથેની તસવીરમાં વાંગ અબ્દુલ્લા નબિલ મહમૂદ અલ-હાશિમ પણ હાથમાં બિલાડી સાથે જોવા મળ્યો હતો.
પ્રિન્સેસ ફદઝીલા સુલતાનની બીજી પત્નીની પુત્રી છે
પ્રિન્સેસ ફડઝિલા સુલતાન હસનલ બોલ્કિયાની બીજી પત્ની હજાહ મરિયમની પુત્રી છે. 2003 માં તેમના છૂટાછેડા પહેલા આ દંપતીને પ્રિન્સ મતીન સહિત ચાર બાળકો હતા. નવપરિણીત યુગલને અભિનંદન આપતા પ્રિન્સ મતિને તેની બહેનના લગ્નની શુભેચ્છા આપતા ઇન્સ્ટાગ્રામ પર લખ્યું, હું તમારા બંને માટે ખૂબ જ ખુશ છું. મારી સુંદર બહેનને મોટો પ્રેમ. પ્રિન્સ મતીનને બ્રુનેઈમાં ખૂબ પસંદ કરવામાં આવે છે.