કાળઝાળ ગરમીમાં કંઈ ખાવાની ઈચ્છા ન થતી હોય તો આ ડાયેટ ફોલો કરો. હિટ સ્ટ્રોક નહીં થાય
નહીં થાય હિટ સ્ટ્રોક
ઉનાળામાં ફોલો કરો આ ડાયેટ
સ્વાસ્થ્ય રહેશે સારૂ
ભારતમાં એપ્રિલ મહિનાથી જ કાળઝાળ ગરમીએ લોકોને મુશ્કેલીમાં મુકી દીધા છે. ગરમીના કારણે ઘણા લોકોને ખાવા-પીવામાંથી મન ઉઠી જાય છે. આવી સ્થિતિમાં ખાલી પેટે તમને હીટ સ્ટ્રોક થવાનું જોખમ વધી જાય છે. તેથી ગરમીના પ્રકોપ વચ્ચે તમારે આ વસ્તુઓનું સેવન કરવું જોઈએ.
મક્કાઈ
મકાઈમાં વિટામિન સી, મેગ્નેશિયમ, ફાઈબર વગેરે જેવા ઘણા પૌષ્ટિક તત્વો હોય છે. મકાઈ ખાવાથી તમારું પાચનતંત્ર ખૂબ સારું બને છે.
ખીરા કાકડી
ઉનાળાની ઋતુમાં કાકડી ખૂબ જ સારો ઓપ્શન માનવામાં આવે છે. તેમાં પાણીનું પ્રમાણ વધારે હોવાથી તે તમને વધુ હાઇડ્રેટેડ રહેવામાં મદદ કરે છે. ઉનાળામાં થતી ઘણી સમસ્યાઓ કાકડી ખાવાથી દૂર થઈ જાય છે.
ફણસ
ફણસ એટલે કે જેકફ્રૂટ ઉનાળાની ઋતુમાં તમારું બ્લડ પ્રેશર ઘટાડવામાં કારગર સાબિત થશે. સારી પાચનક્રિયા માટે જેકફ્રૂટ પણ સારો વિકલ્પ બની શકે છે.
તરબૂચ
ઉનાળામાં શરીરમાં વધુમાં વધુ પાણીનું પ્રમાણ રાખવુ ખૂબ જ જરૂરી છે. આવી સ્થિતિમાં તરબૂચ તમારા શરીરને હાઇડ્રેટ રાખશે. તરબૂચમાં સોડિયમ, પોટેશિયમ અને વિટામિન બી હોય છે.
દહીં
ઉનાળાની ઋતુમાં ખાસ કરીને હિટ વેવમાં દહીં તમારા શરીર માટે ખૂબ જ ફાયદાકારક છે. તેમાં વધુ પ્રોટીન હોય છે અને તે વજન ઘટાડવા માટે પણ અસરકારક સાબિત થશે.