ભારતીય વિદેશ મંત્રાલયના જણાવ્યા અનુસાર, આ બેઠકમાં પાકિસ્તાનના NSA એ એક કાલ્પનિક નકશો રજૂ કર્યો હતો, ત્યારબાદ ભારતીય NSA અજિત ડોભાલે ગુસ્સે થઈને પોતાની ખુરશી છોડી દીધી હતી.
SCOની રાષ્ટ્રીય સુરક્ષા સલાહકાર બેઠકમાં પાકિસ્તાને કાલ્પનિક નકશો રજૂ કર્યો
પાકિસ્તાનના NSA ની આ કરતૂતથી રોષે ભરાયેલા અજિત ડોભાલ મીટિંગ છોડીને ચાલ્યા ગયા હતા
પાકિસ્તાને તેના કાલ્પનિક નકશામાં જમ્મુ-કાશ્મીરને વિવાદિત ક્ષેત્ર ગણાવ્યું છે.
શાંઘાઇ સહયોગ સંગઠન (SCO) ના રાષ્ટ્રીય સુરક્ષા સલાહકારો (NSA) ની બેઠકમાં પાકિસ્તાન ભારત વિરુદ્ધ પોતાના જુઠ્ઠાણા અને પ્રચાર માટે આંતરરાષ્ટ્રીય મંચનો દુરૂપયોગ કેવી રીતે કરે છે તેનું તાજુ ઉદાહરણ બહાર આવ્યું છે. ભારતીય વિદેશ મંત્રાલયના જણાવ્યા અનુસાર, આ બેઠકમાં પાકિસ્તાનના NSA એ એક કાલ્પનિક નકશો રજૂ કર્યો હતો, ત્યારબાદ ભારતીય NSA અજિત ડોભાલે ગુસ્સે થઈને પોતાની ખુરશી છોડી દીધી હતી.
This was in blatant disregard to the advisory by the host against it and in violation of the norms of the meeting. After consultation with the host, the Indian side left the meeting in protest at that juncture. Pak then went on to present a misleading view of this meeting: MEA https://t.co/q39YqCVVH7
નોંધનીય છે કે પાકિસ્તાને ઓગસ્ટના પહેલા અઠવાડિયામાં એક કાલ્પનિક નકશો બહાર પાડ્યો હતો. આ કાલ્પનિક નકશામાં, તેમણે કેટલાક ભારતીય ક્ષેત્રોને પોતાના વિસ્તારો તરીકે વર્ણવ્યા છે.
પાકિસ્તાનના NSA એ રજૂ કર્યો કાલ્પનિક નકશો
મીડિયા બ્રીફિંગના જવાબમાં વિદેશ મંત્રાલયના પ્રવક્તા અનુરાગ શ્રીવાસ્તવે કહ્યું કે પાકિસ્તાની તરફથી ડો.મૌદ યુસુફે પોતાના દેશનો નવો કાલ્પનિક નકશો રજૂ કર્યો, ત્યારબાદ NSA અજિત ડોભાલે વર્ચ્યુઅલ મીટિંગ છોડી દીધી. આ કાલ્પનિક નકશામાં, પાકિસ્તાને જમ્મુ-કાશ્મીરને વિવાદિત વિસ્તાર અને સર ક્રિક અને જૂનાગઢને તેનો હિસ્સો ગણાવ્યો છે.
રશિયા દ્વારા આ બેઠકનું આયોજન કરવામાં આવ્યું હતું
શ્રીવાસ્તવે કહ્યું કે, રશિયા દ્વારા આયોજિત SCO ના રાષ્ટ્રીય સુરક્ષા સલાહકારોની બેઠકમાં પાકિસ્તાનના NSA જાણી જોઈને કાલ્પનિક નકશો બતાવ્યો. પાકિસ્તાન આ નવા નકશાને આંતરરાષ્ટ્રીય માન્યતા અપાવવાનો પ્રયત્ન કરી રહ્યું છે.
— Prime Minister's Office, Pakistan (@PakPMO) August 4, 2020
પાકિસ્તાને નિયમોનું ઉલ્લંઘન કર્યું હતું
તેમણે વધુમાં કહ્યું કે, પાકિસ્તાન દ્વારા કાલ્પનિક નકશો બતાવવો એ યજમાન રશિયાની એડવાઈઝરીનો ખુલ્લેઆમ ભંગ છે. પાકિસ્તાને બેઠકના નિયમોનું પણ ઉલ્લંઘન કર્યું છે. પાકિસ્તાનના આ વલણનો વિરોધ કરવા રશિયાની સાથે NSA અજીત ડોભાલે સલાહ કર્યા બાદ ડોવલે બેઠક છોડી દીધી હતી. ઉલ્લેખનીય છે કે જમ્મુ-કાશ્મીરમાંથી કલમ 370 હટાવ્યાના એક વર્ષ પૂરા થયા પછી, પાકિસ્તાનના વડા પ્રધાન ઇમરાન ખાને તેમના દેશનો નવો રાજકીય નકશો બહાર પાડ્યો હતો.
પાક એ ભારતીય પ્રદેશોને પોતાના જાહેર કર્યા છે
રસપ્રદ વાત એ છે કે આ નકશામાં કાશ્મીરના પૂર્વી ભાગની કોઈ મર્યાદા નથી. કાશ્મીરના આ ભાગમાં ચીને ગેરકાયદેસર રીતે અક્સાઇ ચીનને કબજે કરી છે. આ સિવાય સરક્રીક અને જૂનાગઢ રાજ્યને પણ આ નકશામાં પાકિસ્તાની ક્ષેત્રનો એક ભાગ ગણાવ્યો છે. ભારતે પાકિસ્તાનના નવા નકશાની અધિકૃતતાને નકારી કાઢી છે.
"પાકિસ્તાને જે કર્યું છે, તેનું રશિયા સમર્થન કરતું નથી, આ એક ઉશ્કેરણીજનક વર્તન"
સરકારી સૂત્રોએ જણાવ્યું હતું કે રશિયન ફેડરેશનની રાષ્ટ્રીય સુરક્ષા સમિતિના સેક્રેટરી નિકોલાઈ પત્રુશેવે ભારતને કહેવડાવ્યું હતું કે રશિયાએ પાકિસ્તાને જે કર્યું છે તેનું સમર્થન નથી કરતું અને આશા છે કે શાંઘાઈ સહકાર સંગઠનમાં ભારતની ભાગીદારી અંગે પાકિસ્તાનની ઉશ્કેરણીજનક વર્તન તેની કોઈ અસર નહીં થાય, ન તો તે ભારતીય રાષ્ટ્રીય સુરક્ષા સલાહકાર સાથે પેટ્રશેવના અંગત સંબંધોને અસર કરશે."