જો બાયડને ગઈકાલે અમેરિકાના 46મા રાષ્ટ્રપતિના શપથ લીધા અને વ્હાઈટ હાઉસમાં પ્રવેશ કર્યો, હવે તેઓ દ બીસ્ટની સવારી કરશે. આ કારની દેખરેખ ખાનગી વિભાગની યુનાઈટેડ સ્ટેટ્સ સીક્રેટ સર્વિસ કરે છે. આ કારને એક જગ્યાએથી અન્ય જગ્યાએ લઈ જવા માટે એરફોર્સ વનનો ઉપયોગ કરાય છે. તો જાણો શું છે ખાસ ફીચર્સ અમેરિકાના રાષ્ટ્રપતિની કારમાં.
દ બીસ્ટની સવારી કરશે જો બાયડન
એરફોર્સ વનમાં યાત્રા કરે છે અમેરિકાના રાષ્ટ્રપતિ
જાણો અમેરિકાના રાષ્ટ્રપતિની કારના ખાસ ફીચર્સને
અમેરિકાના રાષ્ટ્રપતિ જે વિમાનમાં યાત્રા કરે છે તેને એરફોર્સ વન કહેવામાં આવે છે. દ બીસ્ટને દુનિયામાં સૌથી સુરક્ષિત કાર માનવામાં આવે છે. કુલ મળીને કહીએ તો આ કાર નહીં પણ ટેન્ક છે. જાણો આ કારના તમામ ખાસ ફીચર્સને વિશે.
અમેરિકાના રાષ્ટ્રપતિના અધિકારિક પ્રાસ માટે ખાસ કરીને ડિઝાઈન કરાયેલી કારને દ બીસ્ટ નામ અપાયું છે. આ કાર આર્મ્ડ લિમોસીન છે જે 24 સપ્ટેમ્બર 2018માં કાફલામાં સામેલ કરાઈ હચીય આ કારને પૂર્વ અમેરિકાના રાષ્ટ્રપતિ બરાક ઓબામાના અધિકારીક લિમોસિન કૈડિલૈક વનની જગ્યાએ પણ ઉપયોગમાં લેવાઈ હતી. માનવામાં આવે છ કે દ બીસ્ટ ડીઝલ એન્જિનની કાર છે. તેમાં મોટી સાઈઝના રેક્ટેન્ગલ ફ્યૂલ ફિલર ડોર લાગેલા છે. 2013માં ઈઝરાયલના પ્રવાસ સમયે ડ્રાઈવરે આ કારમાં ખોટું ઓઈલ ભરાવતા તેનું એન્જિન સીઝ થયું હતું. ત્યાર બાદ સીક્રેટ સર્વિસે ઓબામાને તેલ અવીવ પહોંચાડવા અન્ય કારનો ઉપયોગ કર્યો હતો. જ્યારે 2011માં આર્યલેન્ડના પ્રવાસ સમયે પણ દ બીસ્ટ ડબલીનમાં અમેરિકન એમ્બેસીની બહાર સ્પીડ બંપર પર અટકી ગઈ હતી.
જાણો કઈ રીતે બને છે આ ખાસ કાર અને કેટલી છે તેની કિંમત
આ કારને જનરલ મોટર્સ બનાવે છે. કહેવાય છે કે આ કારની કિંમત 10 કરોડ રૂપિયાની છે. ખાસ વાત એ છે કે કારમાં 8000 સીસીનું એન્જિન લાગેલું છે જે 800 બીએચપી પાવર આપે છે. જ્યારે ટેન્કની સુરક્ષિત આ કારના દરવાજા 8 ઈંચ જાડા છે અને બોઈંગ 747 ના દરવાજા જેટલા ભારે પણ છે. કારના દરવાજા બંધ થતાં જ 100 ટકા સીલ થઈ જાય છે. કારની બોડીને બનાવવામાં સ્ટીલ, ટાઈટેનિયમ, એલ્યૂમિનિયમ, સિરેમિકનો ઉપયોગ કરાય છે જેનાથી તે મજબૂત રહે છે. એટલું જ નહીં આ કાર આગની લપેટોમાંથી પણ પસાર થઈ જાય છે. રાષ્ટ્રપતિ જ્યોર્જ બુશના સમયે આ કારનું નામ દ બીસ્ટ રખઆયું હતું, કારના નીચેના ભાગને સુરક્ષિત રાખવા માટે ચેસીસની નીચે 5 સ્ટીલ પ્લેટ આપવામાં આવી છે જેથી લેન્ડમાઈન કે બમ ધમાકાને પણ સહન કરી શકે.
આ કારણે ખાસ છે દ બીસ્ટ કાર
આ કારની બારીઓમાં લાગેલા ગ્લાસ પોલી કાર્બોનેટના 5 લેયર્સથી બનેલા છે. જેનાથી તે બુલેટપ્રૂફ બને છે. ફક્ત ડ્રાઈવર સાઈડની વિંડોના ગ્લાસને 3 ઈંચ નીચે કરી શકાય છે. કારના ડ્રાઈવરના સંપર્ક સીધા ટ્રેકિંગ સેન્ટક સાથે રહે છે. ડ્રાઈવર માટે અલગથી કેબિન હોય છે જેનાથી તે રાષ્ટ્રપતિની ગતિવિધિઓને જોઈ ન શકે, આ કારને ચલાવવાની જવાબદારી ફક્ત સીક્રેટ સર્વિસના પ્રશિક્ષિત કમાન્ડોની પાસે રહે છે. જેનાથી જરૂર પડે કત્યારે ઝડપી કારને 180 ડિગ્રી સુધી વાળી શકાય છે. માનવામાં આવે છે કે વ્હાઈટ હાઉસની પાસે કૈડલિકની 12 કોપી છે જેનું પાર્ટિશન ગ્લાસનું બનેલું છે અને સાથે ફક્ત પ્રેસિડન્ટ જ તેને હટાવી શકે છે. તેમની સીટ પાસે એક સેટેલાઈટ ફોન લાગેલો રહે છે જે પેંટાગન અને ઉપરાષ્ટ્રપતિ સાથે કનેક્ટ હોય છે.
કારમાં રાષ્ટ્રપતિના બ્લડગ્રૂપ સાથે મેળ ખાતું Rh-negative બ્લડ બેંક હોય છે. દ બીસ્ટ કારમાં કોઈ પણ આપાતકાલીન સ્થિતિ સામે લડવા માટે ઓક્સીજનના સપ્લાયની પણ વ્યવસ્થા છે. કારના બૂટ સ્પેસમાં ઓક્સીજન સપ્લાયની સાથે ફાયર ફાઈટિંગ સિસ્ટમ અને સ્મોક સ્ક્રીન ડિસ્પેન્સર પણ અપાયા છે.