વીજળીના બિલથી માત્ર સામાન્ય લોકો જ નહીં સેલેબ્રિટી પણ વીજળીના બિલથી પરેશાન થઇ ગયા છે. જ્યારે પણ વીજળીનું બિલ વધારે આવે ત્યારે સામાન્ય વર્ગનાં લોકોને એક ઝટકો લાગે છે ત્યારે આવો જ એક ઝટકો બોલિવૂડ અભિનેત્રીને લાગ્યો જયારે તેમના ઘરે 35 હજાર 890 રૂપિયાનું બિલ આવ્યું. આ અભિનેત્રી બીજું કોઈ નહીં તાપસી પન્નુ છે.
હજારોનું બિલ જોઇને તાપસીના હોશ જ ઉડી ગયા
ટ્વિટર પર અદાણી કંપનીનો તાપસીએ ઉધડો લીધો
ઘણા બધા યુઝર્સે તાપસીને કરી ટ્રોલ
તાપસીએ બિલના સ્ક્રીનશોટ સોશિયલ મીડિયામાં શેર કર્યા
હજારોનું બિલ જોઇને તાપસીના હોશ જ ઉડી ગયા જે બાદ તેમણે ટ્વિટર પર આ બિલનાં સ્ક્રીનશોટ નાખ્યા જેમાં પહેલા બિલમાં 35 હજાર 890 રૂપિયા જ્યારે બીજા બિલમાં 3 હજાર 850 જ્યારે ત્રીજા બિલમાં ચાર હજાર 390 રૂપિયાનું બિલ જોઈ શકાય છે.
3 months of lockdown and I wonder what appliance(s) I have newly used or bought in the apartment only last month to have such an insane rise in my electricity bill. @Adani_Elec_Mum what kind of POWER r u charging us for? pic.twitter.com/jZMMoxDMgj
આટલા બધા વીજળીના બિલ બાદ તાપસીએ નારાજગી વ્યક્ત કરતા અદાણી કંપનીને ટેગ કરીને સવાલ કર્યા કે લોકડાઉનને ત્રણ મહિના થઇ ગયા છે. અને હું પરેશાન છું કે આ મહિનામાં હું એવું તો કયું સાધન લાવી છુ કે મારું વીજળીનું બિલ આટલું બધું વધીને આવ્યું છે. તમે કઈ રીતે બિલ ચાર્જ કરી રહ્યા છો ?
And this one is for an apartment where no one stays n it’s only visited once in a week for cleaning purpose @Adani_Elec_Mum I am now worried if someone is actually using the apartment without our knowledge and you have helped us uncover the reality 🤷🏻♀️ pic.twitter.com/GeBQUSJaft
નોંધનીય છે કે તાપસીએ આ દરમિયાન ખુલાસો કરતા એ બિલ પણ લોકો સાથે શેર કર્યું જે ઘરમાં કોઈ રહેતું નથી છતાં ખૂબ વધારે બિલ વધારે આવ્યું છે. તેમણે કહ્યું કે આ તે ઘરનું બિલ છે જ્યાં કોઈ નથી રહેતું. અહિયાં એક અઠવાડિયામાં એક વાર સાફ સફાઈ માટે જ જવામાં આવે છે. અદાણી ગ્રુપ, હવે મને ચિંતા છે કે કોઈ બીજું મારા ઘરનો ઉપયોગ કરી રહ્યું છે.
આ પહેલો મોકો નથી જ્યારે તાપસીએ આ રીતે વ્યક્તિગત સમસ્યા સોશિયલ મીડિયામાં વર્ણવી હોય. આ પહેલા લોકડાઉનમાં એસી ખરાબ થયા હોવાની વ્યથા પણ તેમણે સોશિયલ મીડિયામાં જણાવી હતી ત્યારે બિલ મુદ્દે પણ ઘણા બધા યુઝર્સે ટ્વિટર પર તાપસીની મજાક ઉડાવી હતી.