ઝારખંડ / અહીં સરકારે કોર્ટમાં કહ્યું ગુટખા પર પ્રતિબંધ છે, ચીફ જસ્ટિસે બહારથી મંગાવીને કહ્યું આ કેવો પ્રતિબંધ?

આ દરમ્યાન એક સ્ટાફ દુકાનથી અલગ અલગ કંપનીઓના પ્રતિબંધિત પાન-મસાલા અને તમાકુના પાઉચ ખરીદીને લઈ આવ્યો. પ્રતિબંધિત પાન મસાલા અને તમાકુના પાઉચ જોઈને ચીફ જસ્ટિસે વિશેષ સચિવને પૂછ્યું કે આ કેવો પ્રતિબંધ છે, જ્યાં પ્રતિબંધિત વસ્તુઓ પણ દરેક જગ્યાએ ખુલ્લેઆમ વેચાઈ રહી છે. આ બાબતે ખાદ્ય તેમ જ સુરક્ષા વિભાગના વિશેષ સચિવે ખંડપીઠને ખાતરી આપી કે તેની તપાસ કરીને કાર્યવાહી કરાશે. હાઈકોર્ટે રાજ્ય સરકાર પાસે વિસ્તૃત જવાબ આપવાનો નિર્દેશ કર્યો છે. આ મામલે આગામી સુનાવણી 4 ડિસેમ્બરે થશે. 

ફાઉન્ડેશન તરફથી કરાયેલ PIL પર ઝારખંડ હાઈકોર્ટમાં સુનાવણી

શુક્રવારે રાજ્યમાં પ્રતિબંધિત પાન મસાલા અને ગુટખા મામલે ફરિયાદી ફાઉન્ડેશન તરફથી કરાયેલ PIL પર ઝારખંડ હાઈકોર્ટમાં સુનાવણી થઈ હતી. આ દરમ્યાન વિશેષ સચિવ ચંદ્ર કિશોર ઉરાંવે કોર્ટમાં રાજ્યમાં ગુટખા સહિત અન્ય પાન મસાલા પ્રતિબંધિત છે જેમ જણાવ્યું હતું. 

એક કર્મચારીએ ગુટખા લાવીને રાજ્ય સરાકારના દાવાની પોલ ખોલી

સુનાવણી દરમ્યાન જ કોર્ટનો એક કર્મચારી ગુટખા લાવીને રાજ્ય સરાકારના દાવાની પોલ ખોલી દે છે. આ દરમ્યાન ચીફ જસ્ટિસે વિશેષ સચિવને પૂછ્યું હતું કે આ કેવો પ્રતિબંધ છે. ખંડપીઠે પાન મસાલા અને જર્દા અલગ અલગ પાઉચમાં ખુલ્લેઆમ વેચાઈ રહ્યાં છે તેમ કહ્યું હતું. વિશેષ સચિવે તપાસ કરવાની વાત કહી તો ખંડપીઠે કહ્યું કે આ તપાસનો વિષય નહીં પરંતુ એક્શન લેવાનો વિષય છે. 

ગુટખા પર પ્રતિબંધ હાથીના દેખાડવાના દાંત જેવું

ખંડપીઠે કહ્યું કે જીવન અમૂલ્ય છે પરંતુ જર્દા, ગુટખા સસ્તું વેચાઈ રહ્યું છે. ગુટખા પર પ્રતિબંધ હાથીના દેખાડવાના દાંત જેવું છે. આ મામલે આગામી સુનાવણી 4 ડિસેમ્બરના રોજ થશે. આ સુનાવણી દરમ્યાન ખાદ્ય સુરક્ષા વિભાગના સચિવને ઉપસ્થિત રહેવાનો આદેશ અપાયો છે